Ta’til puli 48 kunga to‘lanadimi yoki 36 kunga?
@Yurist_Xizmati 4559-savol:
Assalomu alaykum. 20 yillik uzluksiz ish stajiga ega o‘qituvchiman. 2023-yil 5-sentabr kunidan ish joyim o‘zgardi. Bir tumanning ichida boshqa maktabga ishga o‘tdim. Orada bir kun ham uzilish bo‘lgani yo‘q. Buxgalterimiz menga juda kam ishlabdi ta'til pulini.
36 kunga ishlagan shekilli. Lekin men OTM ni 2023-yil bitirib, birinchi yil ishlashim emasku? Menga ta'til puli 48 kunlik to‘lanadimi yoki 36 kunga? Iltimos aniq qilib javob bersangiz.
YURIST JAVOBI:
Siz bir maktabdan boshqa matkabga o‘tganingizda umumiy ish stajingiz saqlanadi. Lekin mehnat ta’tili uchun ish staji aynan shu maktabga ishga qabul qilingan vaqtingizdan boshlab hisoblanadi.
Mehnat kodeksining 227-moddasiga asosan birinchi ish yili uchun har yilgi mehnat ta’tilidan foydalanish huquqi xodimda u ushbu ish beruvchida uzluksiz ishlagan olti oy o‘tganidan keyin yuzaga keladi. Bunda birinchi ish yili aynan shu ish beruvchi mehnat shartnomasi tuzilgan vaqtdan boshlab hisoblanadi.
Mehnat kodeksining 233-moddasida har yilgi mehnat ta’tilida bo‘lgan vaqti uchun xodimga ushbu Kodeksning 257-moddasiga muvofiq hisoblab chiqariladigan o‘rtacha ish haqining saqlanishi kafolatlanishi belgilangan.
♂️ Bunda o‘rtacha ish haqi u hisoblanadigan oydan oldingi o‘n ikki oyni tashkil etuvchi hisob-kitob davri yoxud agar xodim o‘n ikki oydan kam ishlagan bo‘lsa, amalda ishlangan davr uchun xodimga hisoblangan ish haqidan kelib chiqqan holda belgilanadi (MK 257-m 1-qism).
☝️Shu qoidaga ko‘ra xodimning o‘rtacha oylik ish haqini hisoblashda u 12 oydan ortiq ishlagan bo‘lsa, uning ta’tilga chiqishdan oldingi 12 oylik davrda korxonadan olgan barcha to‘lovlari (ish haqi, moddiy yordam, mukofot puli va boshqalar) qo‘shilgan holda 12ga bo‘linadi. Bunda sizga to‘lanadigan ustama ham qo‘shiladi.
❗️Endi qarang! Bunda Mehnat kodeksining 218-moddasi hamda Vazirlar Mahkamasining 2023 yil 26 iyundagi 263-son qaroriga binoan o‘qituvchilarga 56 kalendar kunidan iborat ta’til beriladi va ta’tilning 48 kuniga ta’til puli to‘lanadi.
✅ Bunda siz sentyabr oyida ishga qabul qilingan bo‘lsangiz, sizga 56 kalendar kuniga ta’til beriladi va 36 kun uchun ta’til puli to‘lanadi.