Sertifikatni soxtalashtirganlarga chora ko‘riladimi?
@Yurist_Xizmati 4539-savol:
Assalomu alaykum meni savolim quyidagicha
Prizdentimiz farmoniga ko‘ra hozirgi kunda Ingliz tili o‘qituvchilariga malum darajada til bilish darajasi talabi qo‘yilmoqda lekin bazi qo‘shtirnoq ichidagi tadbirkor o‘qituvchilar til bilish sertifikatini sohtalashtirishi uchrab kelmoqda va shu sohta sertifikat asosida oylik qo‘shimcha ustamalr olib kelmoqdalar aytingchi bunday sohta sertifikat tayyorlayotgan "tadbirkorlarga"va shu sertifikatga ustama olgan o‘qituvchilarga borinki olgan ustamalarini davlat tomonidan qaytartirgan taqdirdayam sohta hujjat tayyorlatib davlat pulini talontaroj qilgani uchun qonunlarimizda chora bormi? Shu savolimga qonun moddalari asosida jovob bersangiz
YURIST JAVOBI:
✅ Albatta chora ko‘riladi.
1⃣ Birinchi chora bu sertifikat uchun to‘langan ustama pulini qaytarish bo‘lsa;
2⃣ ikkinchisi, sertifikatni soxtashlashtirgan shaxslarga nisbatan jinoiy javobgarlik chorasini qo‘llash orqali amalga oshiriladi.
Birinchi chora haqida quyidagi post orqali ma’lumot olishingiz mumkin.
♂️ Ikkinchi chorani qo‘llash bo‘yicha tuman prokuraturasi yoki IIBga murojaat qilish lozim. Bu harakatlarga nisbatan Jinoyat kodeksi 228-moddasi bilan jinoyat ishi ochilishi mumkin.
Ushbu moddaga ko‘ra soxtalashtiruvchining o‘zi yoki boshqa shaxs foydalanishi maqsadida muayyan huquq beradigan yoki muayyan majburiyatdan ozod etadigan rasmiy hujjatlar tayyorlashi yoki rasmiy hujjatlarni qalbakilashtirishi yoxud bunday hujjatlarni sotishi, shunday maqsadlarda korxona, muassasa yoki tashkilotning qalbaki shtamplari, muhrlari, blankalarini tayyorlash yoxud sotish:
bazaviy hisoblash miqdorining ellik baravaridan yuz baravarigacha miqdorda jarima yoki uch yuz oltmish soatgacha majburiy jamoat ishlari yoxud uch yilgacha axloq tuzatish ishlari bilan jazolanadi.