12% daromat solig‘ini qaytarib ololmayapmiz. Qanday qilib olish mumkin?
@Yurist_Xizmati 4532-savol:
Assalomu alaykum.Men kantrakt pulini o‘g‘limning kligiga o‘tkazganman. Kantrakt o‘g‘limning kligidan to‘langan. O‘g‘lim TATU da o‘qiydi. Men o‘qituvchi bo‘lib ishlayman. Daromad solig‘ini (12%) ololmayapman. O‘g‘lim ishlamaydi. Kontraktni men oylik maoshimdan to‘layapmanku. Daromad solig‘ini qanday qilib olsam bo‘ladi.
YURIST JAVOBI:
Soliq kodeksining 378-moddasiga asosan O‘zbekiston Respublikasining professional va oliy ta’lim tashkilotlarida ta’lim olish (o‘zining, farzandlarining, shuningdek yigirma olti yoshga to‘lmagan erining (xotinining) ta’lim olishi) uchun to‘lov jismoniy shaxslardan undiriladigan daromad solig‘idan ozod qilinadi.
O‘zbekiston Respublikasining professional va oliy ta’lim tashkilotlarida ta’lim olish uchun yo‘naltiriladigan mablag‘larga jismoniy shaxslardan olinadigan daromad solig‘i bo‘yicha imtiyozni qo‘llash tartibi to‘g‘risidagi nizom (Ro‘yxat raqami 2107) 16-bandiga asosan:
➖ O‘zbekiston Respublikasining professional va oliy ta’lim tashkilotlarida o‘qish uchun to‘lov jismoniy shaxs tomonidan mustaqil ravishda (naqd pul hisobiga, jismoniy shaxslarning banklardagi omonat va boshqa hisob raqamlaridan yoki plastik kartalardan foydalangan holda) amalga oshirilganda, soliq chegirmasi O‘zbekiston Respublikasi Soliq kodeksining 396 — 398-moddalarida nazarda tutilgan tartibda davlat soliq xizmati organlariga jismoniy shaxsning jami yillik daromadi to‘g‘risidagi deklaratsiyani topshirish yo‘li orqali berilishi mumkin.
☝️Yuqoridagi qoidalarga muvofiq siz to‘lov kontrakti uchun to‘lagan pulingizni qaytarib olishingiz mumkin. Faqat ushbu kontrakt uchun to‘langan pullar rasmiy manbaga asoslansa (ya’ni ushbu daromaddan soliq undirilgan bo‘lishi kerak), kontrakt summasidan soliqni qaytarib olishingiz mumkin.
✅ Shunga ko‘ra siz o‘g‘lingiz kontrakti uchun to‘lagan pulingizni qaytarib olishingiz mumkin. Buning uchun quyidagi havola ko‘rsatilgan tartibda elektron shaklda ariza berishingiz lozim.