O‘rindoshlik asosida ishlayotgan hodimga istalga vaqtda ta’til berib bo‘lmaydi.
Vazirlar Mahkamasining 2012 yil 18 oktyabrdagi 297-sonli qarori bilan tasdiqlangan “O‘rindoshlik asosida hamda bir necha kasbda va lavozimda ishlash tartibi to‘g‘risida”gi Nizomning 16-bandiga aosan O‘rindoshlik asosida ishlovchi shaxslarga har yilgi asosiy va qo‘shimcha ta’tillar asosiy ish joyidagi har yilgi mehnat ta’tili bilan bir vaqtda beriladi.
Ya’ni, xodim o‘rindoshlik ish joyidan istalgan vaqtda mehnat ta’tili ololmaydi, qachonki, asosiy ish joyida ta’til olayotgan bo‘lsagina, o‘rindoshlik ish joyidan asosiy ish joyidagi ta’til bilan bir vaqtda ta’tilga chiqa oladi.
Buning uchun xodim o‘rindoshlik joyidagi ish beruvchiga asosiy ish joyidagi ish beruvchi tomonidan mehnat ta’tiliga chiqishi haqida (15 kun oldin) berilgan habarnoma yoki ta’tilga chiqish haqidagi buyruq nusxasini taqdim etib, ariza yozadi. Shu asosida o‘rindoshga mehnat ta’tili berilishi to‘g‘ri bo‘ladi.