Yerdan 3 yil foydalanmasa, olib qo‘yish mumkinmi?
@Yurist_Xizmati 4508-savol:
Assalomu alaykum yaxshimisiz kechirasiz bir savolim bor edi Mening uyim M-37 magistral yo‘l yoqasida joylashgan uyimni orqasida 0.15 ga yo‘lni muhofaza zonasi bor men usha yerdan yillar davomida xechqanaqa soliq to‘lamasdan foydalanib kelaman. Usha yerdan bir fuqaroga auktsiondan yer sotilga 09.12.2020 yilda. Endi kelib men ekkan daraxtlarni buzib qurilish qilmoqchi shunga yerni sotib olgan fuqaroni xaqqi bormi. Auktsion bayonnomasida yozilgan 12 oy davomida qurilish qilish va 100 milon so‘m investitsiya kiritish to‘g‘risida. Oradan uch yil vaqt o‘tdi bayonnoma xali ham o‘z kuchidami
YURIST JAVOBI:
Aslida siz mulkdor bo‘lmasdan turib yoki yer uchastkasiga nisbatan huquq o‘rnatmasdan (ijara, doimiy foydalanish) avval, yer uchastkasiga hech nima ekishingiz mumkin emas.
Fuqarolik kodeksining 164-moddasiga muvofiq mulkdor o‘ziga qarashli mol-mulkka o‘z xohishi bilan va o‘z manfaatlarini ko‘zlab egalik qilish, undan foydalanish va uni tasarruf etish, shuningdek o‘zining mulk huquqini, kim tomonidan bo‘lmasin, har qanday buzishni bartaraf etishni talab qilish huquqiga ega.
♂️ Shunday ekan yerni egallash, unga ekin ekish yohud qurulish qilish mulkdorga yoki u ruxsat bergan shaxsga tegishli bo‘ladi. Shuningdek, mulkdor yoki huquq egasi, yuqoridagi kodeks 228-moddasiga binoan mulkdor o‘z mol-mulkini boshqa shaxsning qonunsiz egaligidan talab qilib olishga haqli.
☝️Mana shu qoidaga ko‘ra, auksionda g‘olib bo‘lgan shaxs sizdan yerni qaytarishni talab qilishga haqli.
Biroq, Yer kodeksining 36-moddasida shaxs qishloq xo‘jaligi ehtiyojlari uchun berilgan yer uchastkasidan bir yil mobaynida va qishloq xo‘jaligi sohasiga taalluqli bo‘lmagan ehtiyojlar uchun berilgan yer uchastkasidan ikki yil mobaynida foydalanilmaganida yer uchastkasiga nisbatan mazkur shaxsning huquqlari bekor qilinadi.
✅ Ushbu normaga muvofiq bunday vakolat viloyat hokimlariga berilgan bo‘lib, siz ham auksionda yer uchastkasini yutib olgan shaxsning 3 yil davomidagi harakatsizligi ustidan murojaat qilib, yer uchastkasiga nisbatan uning huquqlarini bekor qildirishingiz mumkin.