Qanday qilib sudya telefonda taraf bilan ish yuzasidan 17 daqiqa gaplashishi mumkin?
Sudyaga telefon borasida qo‘yilgan cheklovning to‘g‘ri ekani haqida yana bir gap bor.
Yaqinda bir tanishim sud ishi ketayotgan davrda ishni ko‘ruvchi sudlov hay’ati raisi bilan telefonda ayni shu ish yuzasidan qariyb 17 daqiqa gaplashganini va o‘zaro maslahatlashganini aytib qoldi.
Tovba, qanday qilib, sudya suddan tashqarida taraf bilan shu ish yuzasidan 10-15 daqiqalab suhbat qilishi mumkin? Bu mutlaqo noto‘g‘ri, nafaqat noto‘g‘ri, balki sudyalik qasamyodiga qilingan hiyonat hamdir.
Biz aniq bilmaymiz, balkim bunga o‘xshash ishlar har kuni o‘nlab va yuzlab marta sodir bo‘layotgan bo‘lishi ham mumkin.
Haqiqat shuki, aynan shunday rasvogarchiliklar sud jarayoniga salbiy ta’sir o‘tkazadi. Sud qarori yakunda adolatsiz bo‘lib chiqadi.
Shuning uchun sudyalarga ish vaqtida shaxsiy telefon ishlatishni cheklash juda to‘g‘ri bo‘lmoqda.
Amalda bu cheklovga rioya qilinyaptimi, yo‘qmi, bu endi alohida masala.