ERIM BILAN KO‘RISHISHGA RUXSAT BЕRISHADIMI?
Assalomu aleykum. Mani xo‘jaynimi firmasida soliq to‘lanmagani u.n qamab qo‘yishdi. Tergov paytida ulani borib ko‘rsam bdimi?
JAVOB:
O‘zbekiston Respublikasining "Jinoyat ishini yuritish chog‘ida qamoqda saqlash to‘g‘risida"gi Qonunining 22-moddasiga ko‘ra, Ushlab turilganlar va qamoqqa olinganlarga himoyachisi, qonuniy vakili, qarindoshlari hamda boshqa shaxslar bilan uchrashuvlar beriladi. Himoyachi va qonuniy vakil bilan moneliksiz va xoli uchrashuvlar ularning soni hamda davom etish muddati cheklanmagan holda beriladi. Ushlab turilganga jinoyat ishini yuritayotgan mansabdor shaxsning yoki organning yozma ruxsati asosida qarindoshlari va boshqa shaxslar bilan oyiga davom etish muddati ikki soatgacha bo‘lgan bitta uchrashuv berilishi mumkin. Qarindoshga yoki boshqa shaxsga — jinoyat ishini yuritayotgan mansabdor shaxsning yoki organning yozma ruxsatini va o‘z shaxsini tasdiqlovchi hujjatni ko‘rsatganda uchrashuv belgilanadi.
Bu vaziyatsa siz eringizni ishini tergov qilayotgan tergovchining qarori asosida eringiz bilan uchrashishingiz mumkin.