Ishxonada mastlik natijasida jarohat olgan xodimga kasallik nafaqasi to‘lanmaydi.
Vaziyat: xodim ishxonaga spirtli ichimlik iste’mol qilib qattiq mast holda keldi va shu vaqt davomida yiqilib qo‘lidan jarohatlandi va natijada qariyb 20 kun davomida ishda bo‘lmadi. Xodim ishxonaga mana shu 20 kun uchun kasallik varaqasi olib keldi. Ho‘sh, xodimga kasallik nafaqasi, ya’ni “bolnichiy” to‘lanadimi?
❓Qonunchilik nima deydi?
☝️Adliya vazirligi tomonidan 08.05.2002 yilda 1136-son bilan davlat ro‘yxatidan o‘tkazilgan “Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida”gi Nizomning 23-bandida:
✅giyohvandlik yoki mastlik bilan bog‘liq harakatlar oqibatida, shuningdek, spirtli va giyohvandlik moddalarini iste’mol qilish natijasida kasallikka chalinganda (jarohatlanganda) xodimga vaqtincha mehnatga qobiliyatsizlik nafaqasi to‘lanmasligi ko‘rsatilgan.
☝️Hulosa:
Agar yuqoridagi vaziyatda xodimning o‘sha yiqilgan va jarohat olgan vaqtda mast holatda bo‘lganligini tasdiqlovchi faktlar (hujjatlar, guvohlar, videoyozuv va hokazolar) bo‘lsa, demak bu xodimga kasallik nafaqasi to‘lanmasligi kerak.