ShЕRIK TA’SISCHIM MЕNING RUXSATIMSIZ KORXONA BALANSIDAGI YERNI ZAHIRAGA QAYTARISHI MUMKINMI?
Assalomu alekum mchj da 2ta tasischi bor balansda auksiondan yutib olingan yer bor natarusga 1ta tasischi zaxiraga qaytarish uchun ariza berib tasdiqlangan eski ustavi bilan 2-tasischisiz huquqi 50-50 wuni natarusga ariza berib atkaz qildirsa bo‘ladimi? Shunga izox qoldirsangiz menda wunday muammo bo‘lyapti
JAVOB:
"Mas’uliyati cheklangan hamda qo‘shimcha mas’uliyatli jamiyatlar to‘g‘risida"gi qonunning 43-moddasiga asosan Tuzilishidan jamiyat kuzatuv kengashining a’zosi, jamiyatning yakkaboshchilik asosidagi ijro etuvchi organi vazifasini amalga oshiruvchi shaxslar, jamiyatning kollegial ijro etuvchi organi a’zosi manfaatdor bo‘lgan yoki o‘z affillangan shaxslari bilan birgalikda jamiyat ishtirokchilari umumiy ovozlari sonining yigirma va undan ortiq foiziga ega bo‘lgan jamiyat ishtirokchisining manfaatdorligi bo‘lgan bitimlar jamiyat ishtirokchilari umumiy yig‘ilishining roziligisiz jamiyat tomonidan tuzilishi mumkin emas.
Tuzilishidan manfaatdorlik bo‘lgan bitimlarni jamiyat tuzishi to‘g‘risidagi qaror jamiyat ishtirokchilarining umumiy yig‘ilishi tomonidan jamiyatning uning tuzilishidan manfaatdor bo‘lmagan ishtirokchilari umumiy ovozlarining ko‘pchilik ovozlari bilan qabul qilinadi.
Tuzilishidan manfaatdorlik bo‘lgan va ushbu moddada nazarda tutilgan talablar buzilgan holda tuzilgan bitimlar jamiyatning yoki uning ishtirokchisining da’vosi asosida sud tomonidan haqiqiy emas deb topilishi mumkin.
Xo‘sh javbgarlik masalasi qanday bo‘ladi?
Manfaatdor shaxs jamiyat oldida o‘zi tomonidan jamiyatga yetkazilgan zarar miqdorida javobgar bo‘ladi. Agar bir necha shaxs javobgar bo‘lsa, ularning jamiyat oldidagi javobgarligi solidar bo‘ladi.
Tavsiya: Tadbirkor bu vaziyatda bitimni haqiqiy emas deb topishni so‘rab iqtisodiy sudga da’vo ariza bilan murojaat qilishi lozim bo‘ladi.