Yerni qarori yo‘q bo‘lsa, fermer olib qo‘yishi mumkinmi?
@Yurist_Xizmati 4476-savol:
Bizning yer uchastkamizni qarori yuq.
3 yil oldin uy joyga beton quyilgan va 3 yillik yer soligi tolangan. Yer kadastiri bor, faqat qaroro yuq. Hozirgi paytda bir fermer mening yerim deb sudga bergan.Sud qarori xech narsani tekshirmay buzilsin deb qaror chiqargan. Bu vaziyatni qonunlar boyicha korib yordam berishiningizni sorayman.
YURIST JAVOBI:
Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi qonun 11-moddasiga binoan Binolarga, inshootlarga, shuningdek qurilishi tugallanmagan obektlarga bo‘lgan huquqlarni davlat ro‘yxatidan o‘tkazish ushbu ko‘chmas mulk joylashgan yer uchastkasiga bo‘lgan huquqlar davlat ro‘yxatidan o‘tkazilmaguniga qadar amalga oshirilmaydi.
☝️Mana shu qoidaga ko‘ra sizdagi vaziyatda yer uchaskasiga nisbatan sizdagi vaziyatda huquq davlat ro‘yxatidan o‘tmaganligi uchun siz uning ustidagi har qanday qurilmani davlat ro‘yxatidan o‘tkaza olmaysiz.
❗️Sizdagi kadastr ma’lumoti huquqni belgilovchi hujjat emas.
Qarang! Qonunning 31-moddasiga asosan 2021-yilning 1-avgustidan e’tiboran qabul qilingan yer uchastkasiga bo‘lgan huquqlarni belgilovchi hujjatlar quyidagilardan iborat:
➖ yer uchastkasiga bo‘lgan mulk huquqini davlat ro‘yxatidan o‘tkazish uchun — davlat mulkini boshqarish bo‘yicha vakolatli davlat organlari tomonidan beriladigan davlat orderi;
➖ 1998-yilning 1-iyulidan 2021-yilning 1-avgustiga qadar qabul qilingan yer uchastkasiga bo‘lgan huquqlarni belgilovchi hujjatlar quyidagilardan iborat:
➖ yer uchastkasiga meros qilib qoldiriladigan umrbod egalik qilish huquqini davlat ro‘yxatidan o‘tkazish uchun — mahalliy davlat hokimiyati organlarining yer uchastkasini berish haqida o‘z vakolatlari doirasida qabul qilingan qarorlari, notarial tasdiqlangan meros qilib olish huquqi to‘g‘risidagi guvohnoma, ushbu huquqning auksionda sotib olinganligiga asosan tuman (shahar) hokimi tomonidan berilgan davlat orderi asos bo‘ladi.
Shu qoidaga ko‘ra sizlardagi vaziyatda yer uchastkasiga nisbatan ushbu huquqlarni tasdiqlovchi hujjatlar mavjud bo‘lmasa, bu yer sizlarga tegishli bo‘lmaydi.
Agar yer uchastkasi qishloq xo‘jaligiga mo‘ljallangan yer uchastkasi toifasiga kirsa, sizlar unga nisbatan huquqni davlat ro‘yxatidan o‘tkaza olmaysizlar. Chunki bunday yer uchastkasi fermer yoki dehqon xo‘jaligiga beriladi.
✅ Agar bu yer mazkur toifaga kirmasa, unda auksion orqali uni sotib olishingiz mumkin. Buning uchun hududiy kadastr bo‘limiga murojaat qilish kerak