3 kurs talabasi MTTda psixolog lavozimiga ishga olinishi mumkinmi?
@Yurist_Xizmati 4479-savol:
Assalomu alaykum. Men O‘zbekiston Milliy Universitetining Ijtimoiy fanlar fakulteti Amaliy psixologiya yo‘nalishi sirtqi talimda 3kurs tugatib 4 kursga o‘tdim. Men maktab, MTT da yoki boshqa tashkilotda psixolog bo‘lib ishlasam bo‘ladimi va nechchi stavkada ishlashim mumkin. Javob uchun rahmat
YURIST JAVOBI:
Vazirlar Mahkamasining 2018-yil 5-yanvardagi 10-son qaroriga 1-ilovada tasdiqlangan Nizomga ilova 3-bandiga asosan til o‘qituvchilari, o‘qituvchi-defektolog, o‘qituvchi-logoped, psixologlar, oliy ma’lumotli tayyorgarlik (5 yoshdan 6-7 yoshgacha) guruhi tarbiyachilari lavozimiga oliy ta’lim muassasalarining pedagogika yo‘nalishlarida kunduzgi, kechki, sirtqi bo‘limlarning 3-4-kurslarida o‘qiyotgan shaxslar ishga qabul qilinishi mumkinligi belgilangan.
✅ Shunga ko‘ra, siz ham 3-kursda o‘qiyotgan bo‘lsangiz, MTTda psixolog lavozimiga ishga qabul qilinishingiz mumkin.