Haydovchi qoidabuzarlik qayd etilgan moslama natijalari bilan tanishishi mumkinmi?
♻️Haydovchi sodir etgan qoidabuzarligi qayd etilgan maxsus moslama natijalari bilan tanishishi, huquqbuzarlik holatini aniqlashda foydalanilgan maxsus vositalarning qiyoslash sertifikatlarini ko‘rsatishni talab qilishi va huquqbuzarlik holati yuzasidan tushuntirishlar berish huquqlariga ega. Bunday holatda YPX xodimi uning talablarini qanoatlantirishi shart.
YPX xodimi haydovchini qancha vaqt to‘xtatib turishi mumkin?
♻️Qonunchilikda aynan qancha vaqt to‘xtatib turishi mumkinligi haqida normalar yo‘q, ammo qancha vaqt to‘xtatib turishidan qat’i nazar to‘xtatib turish asosli bo‘lishi lozim. Haydovchi esa asossiz to‘xtatib turmaslikni talab qilishga haqli.
✳️Shu bilan birga, haydovchi YPX xodimi tomonidan transport vositasini yoki undagi yukni tashqi ko‘zdan kechirish jarayonida ishtirok etishi mumkin.