AVTOMASHINASI O‘ZINI NOMIDA BO‘LMAGANLAR XAM ENDI BOLALAR PULINI OLOLMAYDIMI ?
⚡️SAVOL;
Bizni avtomashinamiz boshqa bir odamni nomida, lekin shunday bo‘lsa xam o‘sha avtomashina sababli bizga bolalar puli berilmasligini aytishmoqda. Qonunchilik bo‘yicha shu to‘g‘rimi ?
⚡️JAVOB;
Shu vaqtgacha bunday norma bo‘lmagan lekin, endilikda bu to‘g‘ri. Vazirlar Mahkamasining 10.11.2023 yildagi 596-son qarori bilan amaldagi 654-son qaror asosida tasdiqlangan nizomga bir-qancha o‘zgartirishlar kiritildi. Kiritilgan o‘zgartirishlardan biri sifatida 2024 yil 1 martdan boshlab — bolalar nafaqasi yoki moddiy yordam olayotgan oilaning nomiga rasmiylashtirilmagan biroq foydalanuvida bo‘lgan avtotransport vositalari mavjud yoki mavjud emaslik holati mas’ul etib belgilangan ijrochilar tomonidan joyiga chiqqan holda o‘rganilishi, o‘rganish natijalari bo‘yicha shunday holatlar aniqlangan taqdirda ularga bolalar nafaqasi va moddiy yordam pullari berilishi rad qilinishi nazarda tutilgan.