Assalomalekum! Shifokorning beparvoligi va taxlillar natijasida lokaytlik bulganligi uchun bir bemorni axvoli ogirlashib jarroxlik operatsiyasi utkazilgan. Kay tarzda va kayerga ushbu shifokorlarni konun doirasida ishtan chetlatilishi va keldirilgan moddiy zararni koplash uchun murojat kilish kerak?
YURIST JAVOBI:
Jinoyat kodeksining 116-moddasiga asosan shaxsning o‘z kasbiga nisbatan beparvoligi yoki insofsizlik bilan munosabatda bo‘lishi tufayli kasb yuzasidan o‘z vazifalarini bajarmaganligi yoki lozim darajada bajarmaganligi badanga o‘rtacha og‘ir yoki og‘ir shikast yetkazilishiga sabab bo‘lsa,
— uch yilgacha muayyan huquqdan mahrum qilish yoki uch yuz soatgacha majburiy jamoat ishlari yoxud ikki yilgacha axloq tuzatish ishlari bilan jazolanadi.
❗️Shunga ko‘ra sizdagi vaziyatda tibbiyot xodimining harakatlarida mazkur jinoyat alomatlari mavjud bo‘lsa, unda tuman prokuraturasiga yoki IIBga ariza berish talab etiladi. Bunday vaziyatda o‘sha shaxsga nisbatan yuqorida norma bilan jinoiy ish ochilishi mumkin.