Rahbar intizomiy jazoni hech qanday hujjatsiz yechishi mumkinmi?
Hozirgi darsimizda aytilgan keyslardan biri.
Xodimning intizomiy jazosi bir yil davomida amalda bo‘ladi. Ko‘pincha, bayramlar yaqinlashayotganda jazosi bor xodimlarning intizomiy jazosini muddatidan oldin olib tashlashga harakat qilamiz. Boshqalar mukofot olganda u yomon vaziyatda qolmasligi uchun. Uni o‘ylab albatta, to‘g‘rimi? Amaliyotda ko‘pchilik kadrovik yoki yuristlar kasaba uyushmasi qo‘mitasi yoki xodimning bo‘lim boshlig‘i iltimosnoma kiritmasa, yoxud xodimning o‘zi ariza bermasa, intizomiy jazoni yechib bo‘lmaydi deb hisoblashadi. Aslida unday emas.
MK 315-moddasi 3-qismida “ish beruvchi intizomiy jazoni o‘z tashabbusiga ko‘ra, xodimning bevosita rahbarining, kasaba uyushmasi qo‘mitasining iltimosnomasiga, shuningdek xodimning iltimosiga ko‘ra, bir yil o‘tguniga qadar muddatidan oldin olib tashlash huquqiga ega” deyilgan.
E’tibor bering, yuqorida intizomiy jazo ish beruvchining o‘z tashabbusi bilan ham olib tashlanishi mumkinligi nazarda tutilyapti. Ya’ni, ish beruvchining tashabbusi deganda, jazoni muddatidan oldin olib tashlash haqidagi buyruq chiqarishda “profsoyuz” va bo‘lim boshlig‘i bildirgisi va xatto xodimning arizasi bo‘lmasligi ham mumkin. Ish beruvchining o‘zi tashabbus ko‘rsatib, to‘g‘ridan to‘g‘ri buyruq chiqarib olib tashlashi mumkin jazoni.
Buyruqda “Falonchiga qo‘llanilgan falon jazo ish beruvchi tashabbusiga ko‘ra muddatidan oldin olib tashlansin” deyiladi, boldi