O‘zbekistonda BYD avtomobillarini olib kirish cheklanadi
BYD kompaniyasi elektromobillarning mahalliy iqlim va yo‘l sharoitlariga moslashtirilmagani hamda rasmiy kafolatga ega bo‘lmagani vaji bilan tartibsiz importni cheklash bo‘yicha hukumatga murojaat bilan chiqqan.
Prezident 18 mart kuni imzolagan qarorga ko‘ra, shu munosabat bilan 2024 yil 1 iyulga qadar «O‘zavtosanoat» va mas’ul vazirliklar tomonidan BYD brendi ostidagi elektromobil va gibrid avtomobillari importini tartibga solish bo‘yicha takliflar Vazirlar Mahkamasiga kiritiladi.
Oddiy tushuntirganda, 1 iyuldan keyin BYD brendiga tegishli avtomobillarni xususiy tadbirkorlar va boshqa norasmiy dilerlar O‘zbekistonga import qilishi cheklanadi.