Urush qatnashchilariga soliq imtiyozi qo‘llanilmaydimi?
@Yurist_Xizmati 4434-savol:
Assalomu Alaykum Hurmatli yurist!Turmush o‘rtog‘im baynalminal jangchi, ishsiz. Uy u kishining nomida,ammo qarori yo‘q, kadastr(2020-yil) qilingan. O‘tgan yili mol-mulk solig‘idan ozod etilib, 18sotix yer uchun200ming to‘ladik, bu yil esa yer solig‘i 860ming bo‘libdi. Soliq idorasidagilardan so‘rasam,yeringiz noqonuniy, ya'ni hokim qarori yo‘q deyishdi. Qanday qilib yerni qonuniylashtirsak bo‘ladi? Bizga yer solig‘i bo‘yicha imtiyoz yo‘qmi?Javob uchun oldindan rahmat!
YURIST JAVOBI:
❗️Еr solig‘i bo‘yicha imtiyoz bor, faqat bu imtiyoz yer uchaskasi haqiqatda sizlarga tegishli bo‘lgandagina qo‘llaniladi.
Soliq kodeksining 436-moddasiga ko‘ra urush nogironlari va qatnashchilari, shuningdek doirasi qonunchilik bilan belgilanadigan, ularga tenglashtirilgan shaxslar yer solig‘idan ozod qilingan.
Bunda imtiyoz urush nogironining (qatnashchisining) tegishli guvohnomasi yoki mudofaa ishlari bo‘yicha bo‘limning yoxud boshqa vakolatli organning ma’lumotnomasi asosida, nogironligi bo‘lgan boshqa shaxslarga (qatnashchilarga) nogironligi bo‘lgan shaxsning (qatnashchining) imtiyozlarga bo‘lgan huquqi to‘g‘risidagi guvohnomasi asosida beriladi.
Ushbu moddaga asosan imtiyoz yakka tartibdagi uy-joy qurilishi, dehqon xo‘jaligini yuritish uchun berilgan yer uchastkalariga bo‘lgan huquqlarni davlat ro‘yxatidan o‘tkazishni amalga oshiruvchi organda ro‘yxatdan o‘tkazgan jismoniy shaxslarga beriladi.
❌ Shunga ko‘ra sizdagi holatda yer uchastkasiga bo‘lgan huquq davlat ro‘yxatidan o‘tkazilmagani uchun mazkur imtiyozdan foydalana olmaysiz.
"Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida"gi qonunining 14-moddasida ko‘ra yer uchastkalarini xususiylashtirish yer uchastkalarini onlayn auksion orqali sotib olish yo‘li bilan amalga oshirilishi mumkinligi ta’kidlangan.
☝️Siz shu yo‘l bilan unga nisbatan mulk huquqini qo‘lga kiritishingiz mumkin.
❓Tartibi qanday?
Siz tuman (shahar) hokimiyatiga shu bobongizdan yerni xususiylashtirish bo‘yicha murojaat qilishingiz ya’ni hokimiyatdan shu yer uchastkasini buyurtmachi sifatida auksionga quyishini so‘rab murojaat qilishingiz kerak.
Hokimiyat esa uni shartli chegaralarini belgilab, davlat kadastrlik palatasining tuman (shahar) filialiga yuboradi.
Filial esa yer uchastkasi haqiqatan ham bo‘sh yer ekanligi yoki taqiq bor-yo‘qligini aniqlab yana qaytarib hokimiyatga yuboradi. Hokimiyat esa uni davlat kadastrlik palatasining hududiy (viloyat) boshqarmasiga yuboradi.
Boshqarma esa uni "Yerelektron " ATT ga kirgizadi. Yana bir necha bosqichlardan so‘ng yer uchastkasi auksionga qo‘yiladi, shunda siz yutib olib, yer uchastkasini mulk huquqi asosida qo‘lga kiritishingiz mumkin.