Toifa sertifikatlarining muddati qancha?
@Yurist_Xizmati 4433-savol:
Assalomu aleykum yaxshimisiz savolim bor edi. Toifa sertifikatlarni muddati qancha? 2012 yilda olingan sertifikatlarni muddati 2017 yil tugagan. 2018 yilda maktab o‘qituvchisi pensiyaga chiqgan. Toifa sertifikati muddati bu orada yaroqliligi tugagan. Shu o‘qituvchiga qanday xaq to‘lanadi ? 2021 yildagi 572 son qarorga muvofiq qanday xaq to‘lanadi? Iltimos aniq javob bersangiz
YURIST JAVOBI:
✅ Maktablardagi pedagog xodimlarning malaka toifasi muddati 5 yilni tashkil etadi.
Bu VM 107, 393-son qarorlarda ham (ular hozir bekor bo‘lgan), hozir amalda bo‘lgan VM 572-son qarorda ham qayd etilgan. Ushbu qaror bilan tasdiqlangan nizomning 4-bandiga ko‘ra pedagog kadrlar har besh yilda bir marta navbatdagi majburiy attestatsiyadan o‘tkaziladi.
Shunga ko‘ra sizdagi vaziyatda sertifikatning amal qilish muddati 2012 yildan 2017 yilgacha belgilanadi.
♂️ Savolda o‘sha xodim 2018 yilda pensiyaga chiqqanini yozgansiz. Shunday ekan uning toifasi tushirilgan hisoblanadi. Bunda VM 572-son qaror 6-bandiga asosan pensiya yoshiga to‘lgan pedagog kadrlar navbatdagi attestatsiyaga jalb etilmaydi, attestatsiyadan o‘tganlik muddati tugashidan qat’i nazar ularning amaldagi malaka toifasi (lavozimi) saqlab qolinadi hamda mazkur malaka toifasi (lavozimi) bo‘yicha ularga haq to‘lanadi.
✅ Xulosa qiladigan bo‘lsak, sizdagi xodimga mutaxassis sifatida haq to‘lanishi kerak deb hisoblaymiz.