XODIMLARNI HЕCh BO‘LMASA RAMAZON OYIDA TINCH QO‘YAYLIK!
SAVOL.
Sizga savolim, men bankda ishlayman, aslida ish vaqtim 09:00 dan 18:00 gacha. Ro‘zador bo‘lganligim sababli 18:00 da ishdan chiqib ketyapman. Lekin boshlig‘im soat 20:00 da ishga chaqiryapti, bu holatda kimga murojaat qilishim kerak?
JAVOB.
Davlat mehnat inspeksiyasiga, prokuraturaga yoki o‘zingiz a’zo bo‘lgan kasaba uyushmasi tashkilotiga shikoyat qiling. Albatta, shikoyat qiling, shunda o‘sha rahbarga ma’muriy jazo qo‘llaniladi.
Ayrim rahbarlarda haligacha insof va vijdon yetishmayapti. Biz shu paytgacha o‘z oyog‘imizga o‘zimiz bolta urib kelyapmiz, ishdan tashqari vaqt, tungi vaqt va dam olish kunlari bo‘lishiga qaramasdan, qo‘l ostimizdagi xodimlarni qattiq ezib ishlatyapmiz. Buning uchun hech qanday qo‘shimcha haq to‘lamayapmiz.
Bu bilan salohiyatli kadrlarni qo‘ldan boy beryapmiz.
Hech bo‘lmasa, Ramazon oyida tinch qo‘yaylik xodimlarni!