Alimentni kamayish sababini qanday aniqlasa bo‘ladi?
@Yurist_Xizmati 4427-savol:
Assalomu alaykum. Men sobiq turmush o‘rtog‘im bilan qonuniy ajrashganman. 2 nafar farzandim uchun aliment olaman. Lekin 6 oydan buyon aliment miqdori kamaydi. Farzandlarimni otasi Davlat ishida ishlaydilar. Men alimentni kamayish sabababini qanday bilsam bo‘ladi.
YURIST JAVOBI:
Oila kodeksining 99-moddasiga binoan aliment to‘lovi agarda ota ona o‘rtasida alohida kelishuv mavjud bo‘lmasa sud tomonidan bolalar soniga qarab belgilanadi.
Ular quyidagicha:
➡️ ota-onaning har oydagi ish haqi va (yoki) boshqa daromadining bir bola uchun — to‘rtdan bir qismi;
➡️ ikki bola uchun — uchdan bir qismi;
➡️ uch va undan ortiq bola uchun — yarmisi miqdorida undiriladi.
Bu to‘lovlarning miqdori taraflarning moddiy yoki oilaviy ahvolini va boshqa e’tiborga loyiq holatlarni hisobga olgan holda sud tomonidan kamaytirilishi yoki ko‘paytirilishi mumkin.
☝️E’tibor bering! Har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining(hozirgi kunda 1 050 ming so‘m) 26,5 foizidan kam bo‘lmasligi kerak.
❗️Demak, 1ta bola uchun aliment o‘rtacha oylik ish haqining ¼ miqdorida biroq har bir bola uchun taxminan 278 ming so‘mdan kam bo‘lmasligi kerak.
Ushbu kodeks 105-moddasiga muvofiq aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.
♂️ Shunga ko‘ra sud bu holatda oilaviy va mulkiy holatni hisobga olib alimentni kamaytirishi mumkin.
Sizdagi holatda ham sud tomonidan aliment kamaytirilgan bo‘lsa, unda siz MIBdan sud qarorini olishingiz mumkin. Ikkinchi holatda xodimning ish haqi kamaygan bo‘lishi mumkin.
✅ Bu vaziyatda ham siz MIB orqali ma’lumot olishingiz mumkin.