TЕLЕGRAMDAGI YOZISHMALARIMNI TARQATAMAN DЕYAPTI..
⚡️SAVOL:
Bir tanishim telegramimdagi yozishganlarimni boshqalarga tarqataman deb meni qo‘rqityapti. Shunday holatda unga qanday javobgarlik bor ?
⚡️JAVOB:
Ma’muriy javobgarlik to‘g‘risidagi kodeksning 46-moddasiga asosan, fuqarolarning tibbiy yoki tijorat sirlarini, yozishma va boshqa xabarlar, notarial harakatlar, bank operatsiyalari va jamg‘armalar sirlarini, xuddi shuningdek fuqaroga, uning huquqlari, erkinliklari va qonuniy manfaatlariga ma’naviy yoxud moddiy zarar yetkazishi mumkin bo‘lgan boshqa ma’lumotlarni oshkor etish, — fuqarolarga bazaviy hisoblash miqdorining ikkidan bir qismidan ikki baravarigacha, mansabdor shaxslarga esa — ikki baravaridan besh baravarigacha miqdorda jarima solishga sabab bo‘ladi deb ko‘rsatilgan.
➖Shuningdek:
Jinoyat kodeksining 143-moddasiga asosan, xat-yozishmalar, telefonda so‘zlashuv, telegraf xabarlari yoki boshqa xabarlarning sir saqlanishi tartibini qasddan buzish, shunday harakatlar uchun ma’muriy jazo qo‘llanilgandan keyin sodir etilgan bo‘lsa, — bazaviy hisoblash miqdorining yigirma besh baravarigacha miqdorda jarima yoki uch yilgacha muayyan huquqdan mahrum qilish yoki uch yuz oltmish soatgacha majburiy jamoat ishlari yoxud uch yilgacha axloq tuzatish ishlari bilan jazolanadi.
✏️ Shuning uchun qo‘rqmang! Shu yozilgan postni qog‘ozga chiqarib uni qo‘liga beringda "Bilganingni qil" degan qo‘shiqni aytib uyingizga ketavering.