Mahkumlarning kun tartibi qanday?
Juda ko‘pchilikni ozodlikdan mahrum qilingan shaxslar (mahkumlar)ning kun tartibi qandayligi qiziqtiradi.
Kecha mendan ham shu haqida so‘rashdi.
2013 yil 29 iyuldagi 2495-sonli ozodlikdan mahrum qilish turidagi jazoni ijro etish muassasalarining Ichki tartib qoidalariga ko‘ra mahkumlarning kun tartibi quyidagicha:
1. Ertalab o‘rindan turish – soat 6:00;
2. Hojat, yuvinish va jismoniy tarbiya – 15 daqiqa;
3. Yotoq joyini yig‘ishtirish – 10 daqiqa;
4. Ertalabki va kechki ro‘yxatdan o‘tish – 30 — 40 daqiqa;
5. Nonushta – 20 daqiqa;
6. Tushlik – 30 daqiqa;
7. Kechki ovqat – 30 daqiqa;
8. Ishga olib chiqish – 20 — 30 daqiqa;
9. Ishdan olib qaytish – 20 — 30 daqiqa;
10. Ish vaqti – 8 soat (tarbiya koloniyalari uchun 6 soat);
11. Bo‘sh vaqti – 1 soat;
12. Ta’lim, ommaviy-madaniy tadbirlarda qatnashish – 1 soat (jadval bo‘yicha);
13. Yotishga tayyorlanish – 10 daqiqa;
14. Uxlash vaqti – 8 soat.
P/S: Hech kimning boshiga tushmasin shunday joylardagi kun tartibi, lekin parda ortidagi hayot qandayligini bilib qo‘yish ham foydadan holi bo‘lmaydi.