⚡️SAVOL;
Bolalar nafaqasi olishda oiladagi avtotransport vositasining ishlab chiqarilgan yili necha yildan oshmagan bo‘lishi kerak ?
⚡️JAVOB;
Vazirlar Mahkamasining 654-son qarori bilan tasdiqlangan nizomga kiritilgan oxirgi o‘zgarishga ko‘ra, ariza beruvchi yoki uning oila a’zolarida qonunchilik hujjatlarida belgilangan tartibda o‘z nomiga rasmiylashtirilgan xamda ariza beruvchi yoki uning oila a’zolari foydalanuvida bo‘lgan yoxud ishonchnomaga asosan quyidagilar:
➖ ishlab chiqarilgan muddati 12 (oila a’zosi I yoki II guruh va 18 yoshgacha bolalikdan nogiron bo‘lsa 7 yil) yildan oshmagan, texnik holati soz bo‘lgan yengil avtotransport vositasi;
➖ ishlab chiqarilgan muddati 15 yildan oshmagan, texnik holati soz bo‘lgan yuk tashuvchi avtotransport vositasi, avtobus, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran va boshqa qurilish texnikasi;
➖ jami ikki va undan ortiq, texnik holati soz bo‘lgan yengil va yuk tashuvchi avtotransport vositalari, mikroavtobus, ekskavator, traktor, kombayn, yuk tashuvchi avtotransport vositalarining tirkamalari va yarim tirkamalari, avtokran va boshqa qurilish texnikasi mavjud bo‘lganda bolalar nafaqasi va moddiy yordam berilishi rad qilinadi.