NIKOH BUZILGANIDA TO‘Y UCHUN QILINGAN HARAJATLARNI QUDA TARAFDAN UNDIRIB OLSA BO‘LADIMI ?
⚡️SAVOL.
Quda tarafning aybi bilan oila ajralishayotgan bo‘lsa aybdor taraf ikkinchi tarafga to‘y xarajatlarini to‘lashi kerakmi yoki bunga majbur emasmi ?
⚡️JAVOB.
Oila kodeksining 44-moddasida, sud tomonidan nikohdan ajratish to‘g‘risidagi ish ko‘rib chiqilayotganida to‘yni o‘tkazishga ketgan sarf-xarajatlarni undirish haqidagi talablar qanoatlantirilmaydi deb ko‘rsatilgan.
Bundan tashqari, Oliy sud plenumining 2023 yil 20 fevraldagi “Sudlar tomonidan er va xotinning umumiy mol-mulkini bo‘lish haqidagi ishlarni ko‘rishda qonunchilikni qo‘llash amaliyoti to‘g‘risida” gi qarorining 20-bandida, umumiy mol-mulkni bo‘lishda er-xotinning umumiy qarzlari va oila manfaatlari yo‘lida vujudga kelgan majburiyatlar ham inobatga olinishi biroq, to‘yni, shuningdek nikoh marosimlari bilan bog‘liq boshqa tadbirlarni o‘tkazish uchun olingan qarzlar va boshqa xarajatlar bunda inobatga olinmasligi belgilangan.
❗️Shu sababli to‘y harajatlarini undirish to‘g‘risidagi talablarni inobatga olmaslikka sudlarning qonuniy vakolati bor.
✏️ Shuning uchun kelinga qilingan sarf-xarajatlaru boshqalardan tashqari to‘y kungi 1 ta buqa, 100 kilo guruch, 78 ta aroq va 6 ta shampan vinosi uchun ishlatilgan pullarni qarshi tarafdan undirib berishingizni so‘rayman deb sudga da’vo qilishning foydasi yo‘q