Endi fuqarolik sudlarida ham davlat hisobidan advokat olsangiz bo‘ladi.
Fuqarolik protsessual kodeksining 67-moddasi quyidagi mazmunda 4 va 5-qismlari bilan to‘ldirildi:
«Sud da’vogarning yoki javobgarning iltimosiga ko‘ra, «Davlat hisobidan yuridik yordam ko‘rsatish to‘g‘risida»gi O‘zbekiston Respublikasi Qonuniga muvofiq davlat hisobidan yuridik yordam ko‘rsatadigan advokatning ishtirok etishini ta’minlash choralarini ko‘rishi shart.
Davlat hisobidan yuridik yordam ko‘rsatadigan advokat jalb etiladigan paytga qadar sud ishning muhokamasini keyinga qoldiradi. Davlat hisobidan yuridik yordam ko‘rsatadigan advokatni jalb qilishda advokatning ishda ishtirok etishi tasdiqlangan paytdan e’tiboran unga ishga kirishish uchun kamida 4 soat vaqt berilishi kerak».
Ya’ni, agar kam ta’minlangan fuqaro sud davomida davlat hisobidan advokat ta’minlab berishni so‘rab iltimosnoma kiritsa, fuqarolik sudi sudyasi bu fuqaro uchun bepul advokat jalb qilishi shart bo‘lyapti.
O‘zbekiston Respublikasining 2024 yil 27 fevraldagi O‘RQ-915-sonli qonuni bilan kiritilgan ☝️bu o‘zgarishlar, 2024 yil 28 fevraldan kuchga kirdi