Fuqarolik sudlarida yangi muddatlar:
▶️ Apellyatsiya shikoyati (protesti) berish muddati – birinchi instansiya sudi tomonidan hal qiluv qarori qabul qilingan kundan e’tiboran 1 oy ichida berilishi mumkin (FPK 385-1).
▶️ Kassatsiya shikoyati (protesti) berish muddati – birinchi instansiya sudining hal qiluv qarori qonuniy kuchga kirgan kundan e’tiboran 6 oy ichida berilishi mumkin (FPK 405-1).
▶️ O‘rta bo‘g‘indagi taftish tartibida shikoyat (protest) berish muddati – birinchi instansiya sudining hal qiluv qarori, ajrimi, qarori qonuniy kuchga kirgan kundan e’tiboran bir yil ichida beriladi.
Agar kassatsiya instansiyasi sudi tomonidan ajrim chiqarilguniga qadar o‘tgan taqdirda, shikoyat (protest) kassatsiya instansiyasi sudi tomonidan ajrim qabul qilingan kundan e’tiboran uch oy ichida berilishi mumkin (FPK 419-6).
Men: agar bir kun muddat qolganda ajrim chiqsa-chi?
▶️ Oliy sudga taftish tartibida shikoyat (protest) berish muddati – Qoraqalpog‘iston Respublikasi sudi, viloyatlar va Toshkent shahar sudlari, O‘zbekiston Respublikasi Harbiy sudi tomonidan taftish tartibida ajrim chiqarilguniga qadar o‘tgan taqdirda, shikoyat (protest) ushbu sudlar tomonidan ishni taftish tartibida ko‘rish natijalari bo‘yicha ajrim qabul qilingan kundan e’tiboran uch oy ichida berilishi mumkin.
▶️ Oliy sudi raisining, Bosh prokurorining protestiga ham suddat belgilanmoqda:
ushbu Kodeks 419-4-moddasining birinchi qismida ko‘rsatilgan shaxslar murojaat qilgan kundan e’tiboran uch oy ichida, lekin O‘zbekiston Respublikasi Oliy sudining Fuqarolik ishlari bo‘yicha sudlov hay’ati tomonidan ishni taftish tartibida ko‘rish natijalari bo‘yicha ajrim qabul qilingan kundan e’tiboran olti oydan ortiq bo‘lmagan muddatda O‘zbekiston Respublikasi Oliy sudining Rayosatiga kiritilishi mumkin (agar ungacha bir insonning o‘rtacha umri yetsa).