O‘quvchi dars vaqtida o‘qituvchiga bexurmatlik qilib kamsitsa, qanday chora ko‘rish mumkin?
@Yurist_Xizmati 4405-savol:
Assalomu alaykum Savolim shuki Men o‘qituvchiman O‘quvchi dars paytida o‘qituvchini senlab bexurmat qilib shaxsiyatiga tegadigan gaplar qilib tashlanib urishsa u o‘quvchiga qanday chora ko‘rish mumkin.
YURIST JAVOBI:
❗️O‘quvchiga nisbatan biror ta’sir chorasi qo‘llanilmaydi, aksincha bunday vaziyatda uning ota-onasiga nisbatan ma’muriy javobgarlik chorasi qo‘llaniladi.
Maktabgacha va maktab ta’limi vazirining 2023-yil 31-avgustdagi 282-son buyrug‘iga 1-ilovada tasdiqlangan Umumiy o‘rta ta’lim muassasasining takomillashtirilgan namunaviy odob-axloq qoidalari 15-bandiga asosan o‘quvchilarga o‘zaro munosabatlarda inson shaxsiyatini va qadr-qimmatini kamsitish (diskriminatsiya), haqorat qilish va behayo so‘zlarni ishlatishi, turli xil (jismoniy, ruhiy va boshqa) zo‘ravonlikni (bulling) ko‘rsatishi taqiqlanadi.
❌ Shunday ekan, sizdagi holatda ham o‘quvchi sizga yoki boshqa o‘quvchilarga nisbatan yuqoridagidagi harakatlarni qilishi taqiqlanadi.
♂️ Bunday holatda ota-onaga Ma’muriy javobgarlik to‘g‘risidagi kodeks 47-modddasi ikkinchi qismi bilan javobgarlik chorasi qo‘llaniladi.
❗️Ya’ni Xuddi shunday huquqbuzarliklar ma’muriy jazo chorasi qo‘llanilganidan keyin bir yil davomida takror sodir etilgan bo‘lsa:
bazaviy hisoblash miqdorining 5 baravaridan 10 baravarigacha miqdorda jarima solishga sabab bo‘ladi