O‘qituvchilarning 20 soatdan ortiq darslarini majburan olinib VAKANTga qo‘yilishi yoki jarimaga tortilishi to‘g‘rimi?
@Yurist_Xizmati 4400-savol:
Assalomu aleykum hurmatli yuristlar jamoasi! Sizlarga Surxondaryo viloyati Sherobod tumanidan yozmoqdamiz. Savolimiz shundan iboratki, bizning tuman Mexnat Birjasi yuristlari maktablardagi 20 soatdan oshiqroq dars taqsimotiga ega bo‘lgan o‘qituvchilarning darslarini "Vakant" ga qo‘yib va ish izlab yurgan mutaxasislarni ish bilan taminlashni talab qilmoqda. Vaxolanki, ko‘plab o‘qituvchilarda bir nechta tasnif bo‘yicha(Oliy toifa,viloyat bosqichi olimpiadasi g‘oliblarini tayyorlash,Xalqaro serg‘ifikatlar) darslar bo‘lingan. Shunday bo‘lsada, Mexnat birjasi maktab direktorlaridan dars soatlarini "Vakantga" qo‘yishga majburlamoqda. Xattoki bazi bir maktablarga jarimaxam belgilamoqda.O‘qituvchilarga tarifikatsiyada 20 soatdan oshiq dars qo‘yilgan bo‘lsa, o‘quv yili yakun topishiga oz qolganda ularning 20 soatdan ortiq darslari majburan olinib VAKANT ga qo‘yilishi va jarimaga tortilishi qonuniymi?
YURIST JAVOBI:
❌ Yo‘q, mehnat birja yuristlarining harakatlari noto‘g‘ri.
✅ Bu holatda sizlar tuman adliya bo‘limiga murojaat qilishingiz lozim.
Qarang! “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizom (ro‘yxat raqami № 3271) 17-bandiga muvofiq umumta’lim muassasalarining o‘qituvchilariga yillik bir yarim stavkadan (yillik 2 322 soat) ortiq dars soatlari belgilanishiga yo‘l qo‘yilmaydi.
☝️ Mana shu qoidaga ko‘ra o‘qituvchiga 30 soat dars ajratish mumkin.
❕E’tibor bering! Bu holatda sizning foydangizga ishlaydigan aniq qoida quyidagi qarorda o‘z aksini topgan.
Vazirlar Mahkamasining 275-sonli qarori bilan tasdiqlangan “Xalq ta’limi xodimlari mehnatiga haq to‘lash to‘g‘risida”gi nizomning 20-bandiga ko‘ra o‘qituvchilarning tarifikatsiya ro‘yxati asosida o‘qituvchilarga bir yarim stavka miqdorigacha belgilangan dars soatlarining bir stavkadan ortiq bo‘lgan qismi bo‘sh ish o‘rinlari sifatida qayd etilmaydi.
♂️ Boshqacha aytganda o‘qituvchi 30 soat ishlashi mumkin. Bunda maktabdagi 20 soatdan oritq darslarni vakant sifatida chiqarish talab etilmaydi.
❌ Shunday ekan mehnat birja yuristlarining harakatlari noto‘g‘ri