MЕNDAN ARIZA SO‘RASHDI, YOZMADIM, ENDI ISHGA QO‘YISHMAYAPTI.
SAVOL.
Assalomu alaykum. Men tekstil fabrikasida ikki yildan buyon ishlab kelaman. 2023 yil iyun oyida korxonada raxbariyat uzgardi va yangi raxbar lavozimida vaktincha ishlovchi shaxs kupchilik xodimlarni xar xil baxona va norozichiliklar Bilan ishdan bushatdi. Meni xam tusatdan mexnat ta’tili grafigi buyicha emas oldindan yanvar oyida otpuskga chikarvordi. 19.02.2024 da otpuskam tugab ishga chikkanimda oldingi sanalar bilan ustimdan bildirgi xatlar yozilibti. Bu bildirgilarga uzim tamondan ma’lumotnoma yozib ish jarayonimda men tarafdan xatoliklar bulmaganligini kursatib asoslab keltirib berdim. Bugun 21.02.2024 yil kuni korxona yuristi va AXO bulim i mutaxassisi aloxida meni suxbatga chakirib ishdan uz xoxishim bilan ariza yozishimga undashdi va korxona raxbaring ogzaki buyrugi ekanligini aytishdi. Men bu gapga ikki oylik kompensatsiya va bir oylik ishdan bushatish tulovini amalga oshirib berishligini aytdim. Lekin yurist xech kanday tulovlar kilinmasligini aytdi. Raxbar oldiga uzim chikib masalaga oydinlik kiritishimga karshilik kursatishdi. Uz xoxishim bilan ariza yozmadim, lekin ertadan ishga chikishimga karshilik kursatildi. Sizdan yordam va maslaxat kutib kolaman. Oldindan Raxmat.
JAVOB.
Ariza yozmay juda to‘g‘ri qilgansiz. Agarda ularning gapiga ko‘nib, ariza yozib berganingizda bosim, tazyiq yoki boshqacha tarzda qilingan qistov harakatlarini isbotlab berolmasangiz, ishga tiklana olmasdingiz.
Mehnat kodeksining 25-moddasiga asosan xodimlarni mehnat shartnomasida shartlashilgan ish bilan ta’minlash ish beruvchining asosiy majburiyatlaridan biri hisoblanadi.
Demak, ish beruvchi nomidan harakat qilayotgan uning vakillari sizga nisbatan kamida ikkita qonunbuzarlik harakatlarini sodir etmoqda: biri g‘ayriqonuniy ravishda ishdan bo‘shatishga urinish, ikkinchisi, mehnat shartnomasida ko‘rsatilgan ishni berishdan bosh tortish.
Sizga bu masalada o‘sha hududdagi Bandlik bo‘limidagi mehnat huquq inspektorlariga shikoyat qilishni maslahat beraman, ular shikoyatingiz yuzasidan tekshirish olib borishga va agar vajlaringiz tasdiqlansa, aybdorlarga ma’muriy jazo qo‘llashga haqli.
Agarda bundan natija chiqmasa, albatta bizga aloqaga chiqing, huquqingizni tiklashda qo‘ldan kelganicha yordam qilamiz