Tumovni davolashda antibakterial terapiya qanchalik samarali?
Tumov yaxshi davolanmasa, o‘zidan asorat qoldiradi. Shuning uchun bemor tuzalishini osonlashtirish uchun antibakterial terapiya va kompleks muolajalar qo‘llanadi. Xo‘sh, bu nima degani?
— Antibakterial terapiya — kasallik paytida bemorning burun bo‘shlig‘i shilliq qavatlarini mutaxassis ko‘magida yuvish va xastalangan sohaga kerakli dorilarni yuborish, — deydi oliy toifali shifokor Ra’no Nosirova. — Misol uchun, burun orqali to‘plangan yiring chiqarib tashlansa, bemor yengil nafas oladi, tana harorati me’yorlashadi.
Ya’ni, xasta inson infeksiyali ajralmadan xalos bo‘lgach, burun shilliq qavatining mikrob va bakteriyalardan himoyalash tizimi tiklanadi.
⚕️ Burun va unga yondosh bo‘shliqlarni yuvish, albatta, otorinolaringolog tomonidan amalga oshirilishi lozim. Aks holda tajribasiz inson burunnni tozalayotgan vaqtda infeksiyani ichkariga, quloq tomonga surib, muolajani murakkablashtirib yuborishi mumkin.
Burunni tozalash payti paxtali cho‘p, rezina nok kabi anjomlarni ishlatish tavsiya etilmaydi. Chunki burun ichki shilliq qavati va to‘qimalari juda nozik bo‘lib, tezda jarohatlanishi mumkin.
Shifoxona sharoitida burunni maxsus uskunalar yordamida tozalash yaxshi samara beradi. Peshona yoki asosiy bo‘shliqlarni zondlash usulida tozalash ham tumovdan tezroq sog‘ayishda yordamchi vosita hisoblanadi.
♂️ Burundagi yallig‘lanishlarning ko‘z kosasi holatiga salbiy ta’sir etishi isbotlangan. Demak, uni o‘z vaqtida tozalatib turish, nafaqat tumov tuzalashini tezlashtiradi, balki ko‘zlarda yuzaga kelishi mumkin bo‘lgan asoratlarning ham oldini oladi.