Aynan bugun - xozir va shu yerda!
1. Men aynan bugun baxtli bo‘laman. Bu degani men «ko‘pchilik insonlar baxtli ekanliklariga qanchalik qat’iyat bilan ishonsalar shu qadar baxtlidirlar» deb aytgan Avraam Linkolnning so‘zlariga amal qilaman.
2. Aynan bugun istaklarimga emas, meni o‘rab turgan ushbu hayotga ko‘nikishga harakat qilaman. Men oilamni, ishimni va turmushimdagi sharoitlarni boricha qabul qilaman va ularga moslashishga tirishaman.
3. Aynan bugun men o‘z organizmim haqida qayg‘urishni boshlayman. Organizmim barcha talablarimga bo‘ysinadigan ideal mashinaga aylanishi uchun badantarbiya bilan shug‘ullanib, tanamni parvarishlayman, to‘g‘ri ovqatlanaman, o‘z sog‘ligimga zarar yetkazmaslikka va unga nisbatan beparvo bo‘lmaslikka intilaman.
4. Aynan bugun men o‘z dunyoqarashimni rivojlantirishga e’tibor beraman. Biror-bir foydali narsani o‘zlashtirib olaman, aqliy munosabatlarda yalqov bo‘lmayman. Men harakat, fikrlash va diqqatni jamlashga kerak bo‘ladigan barcha narsani o‘qib chiqaman.
5. Aynan bugun men odob-axloqimni takomillashtirish bilan shug‘ullanaman. Buning uchun uchta ishni amalga oshiraman: kimgadir uning o‘ziga bildirmay yaxshilik kilaman; Uilyam Jeyms maslahat berganidek, shunchaki mashg‘ulot uchun - o‘zim istamayotgan ikkita ishni bajarish uchun eng qattiq choralarni qo‘llayman.
6. Aynan bugun men barchaga nisbatan xushmuomala bo‘laman. Iloji boricha yaxshi ko‘rinishga harakat kilaman imkon darajasida o‘zimga yarashadigan kiyimlarni kiyaman, sekin gapiraman, nazokatli bo‘laman, maktovlarni ayamayman, xech kimni tanqid qilmaslikka va jahlini chiqarmaslikka harakat qilaman, kimnidir boshqarishga yoki xatolarini to‘g‘rilashga urinmayman.
7. Men aynan bugun hozirgi kun bilan yashashga harakat qilaman, hayotimning bor muammolarini darrov hal qilish payiga tushmayman. O‘n ikki soat ichida men shunday ishlarni amalga oshira olamanki, agar bu ishlar bilan butun umr shug‘ullanganimda, dahshatga tushardim.
8. Aynan bugun men o‘z ishlarimning dasturini belgilab olaman. Men har soatda nima qilishim kerakligini yozib boraman. Balki bu dasturga aniq rioya eta olmasman, ammo men uni yozib qo‘yaman. Bu meni ikki yomon narsadan - ulgurmaslik va ikkilanishdan asraydi.