❗️MA’MURIY JARIMAGA TUSHGAN HAYDOVCHIGA QANDAY HOLLARDA 30 YOKI 50 FOIZLIK IMTIYOZ BЕRILMAYDI ?
⚡️SAVOL;
Men yaqinda avtomashinamda jarimaga tushgan edim. Men menga qo‘llangan jarimani 15 kun o‘tmasdan yarmini to‘ladim, lekin menga 50 foizlik chegirma berilmadi. Endi yana qolgan yarmini to‘lashim kerakmi. O‘zi qanday hollarda bunday bo‘lishi mumkin ?
⚡️JAVOB;
MJtKning 332-prim 1-moddasiga asosan, jarima solish to‘g‘risidagi qarorni ijro etishning soddalashtirilgan (Ya’ni, jarimani 15 kunda to‘lasa 50, o‘ttiz kunda to‘lansa 30 foizlik chegirma bilan to‘lash)tartibi quyidagi hollarda qo‘llanilmaydi:
➖ 1) transport vositasini alkogolli ichimlik, giyovand modda yoki o‘zgacha tarzda mast holda boshqarganda;
➖ 2) Kema haydovchilari kichik hajmdagi kemalarni alkogolli ichimlik yoki giyovand modda ta’siridan mast holdagi shaxslarga topshirganda yoki uning o‘zi shunday holatda boshqarganda;
➖ 3) Transport vositalari haydovchilari alkogolli ichimlik yoki giyovand modda ta’siridan mast yoki mast emasligini belgilangan tartibda aniqlash uchun tekshiruvdan o‘tishdan bo‘yin tovlaganda;
➖ 4) Alkogolli ichimlik yoki giyovand modda ta’siridan mast bo‘lgan haydovchilarning yoki transport vositalarini boshqarish huquqi bo‘lmagan shaxslarning transport vositalarini boshqarishiga yo‘l qo‘yilganda;
➖ 5) jarima solish to‘g‘risidagi qaror ustidan shikoyat qilinganda yoki protest bildirilganda;
➖ 6) xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilganda.
✏️ Ko‘rsatib o‘tilgan manashu holatlardan biri Sizda kuzatilgan bo‘lsa, demak shu sabab bilan Sizga 50 foizlik chegirma qo‘llanmagan bo‘lishi mumkin.