Question

“Tili chuchuk” bolalar uchun foydali mashqlar

“Bo‘yoqchi cho‘tkasi” mashqi. Bola jilmaygan holda tilining uchi bilan tanglayini (yuqori tishlardan tutib, tanglaygacha) “silaydi”.

“Soat mili” mashqi. Bola jilmaygan holatda og‘zini ochib, tilini ohista holatda oldinga chiqaradi va labining u uchidan bu uchigacha ikki tomonga qimirlatadi.

“Garmon” mashqi. Kulgan holatda bola og‘zini ochadi. “N” harfini talaffuz qilgandaqa tilini tanglayiga tekkizadi. Shu holatda og‘zini iloji boricha kattaroq ochadi va yopadi.

“Tishingni tozala” mashqi. Jilmaygan holda og‘iz ochiladi. Tilning uchi yuqori tishlarning tepa qismi bo‘ylab chapdan o‘ngga qarab, tozalaganday qilib yurg‘iziladi.

“Ari” mashqi. Bola og‘zini ochadi va tilini oldingi tishlari orqasiga yashiradi. Shu holatda “z-z-z” deb tovush chiqaradi. Keyin tilchasini yuqori tanglayiga tekkizib, yana “z-z-z” degan tovush chiqaradi.

Manba: Sog'lom hayot