Qizlarda nega kista paydo bo‘ladi?
✍️ Shifokor Laylo Baxtiyorova:
Bolalikda o‘tkazilgan infeksion kasalliklar, gelmintoz, kamqonlik, qalqonsimon bez faoliyatidagi buzilishlar asorati hamda immunitet susayishiga hisobiga jinsiy a’zolar me’yorida rivojlanmasligi mumkin.
Bu esa tuxumdon kistasini keltirib chiqaruvchi omildir. Angina, tishlar yallig‘lanishi oddiy ko‘ringani bilan infeksiya o‘chog‘i hisoblanadi.
Agar balog‘at yoshiga yetgan qizingizda hayz sikli me’yorida bo‘lmay, turli o‘zgarishlar bilan kechsa, nazoratga oling.
Bordi-yu, kista aniqlanguday bo‘lsa, vahima qilmay, mutaxassisga uchrab, davo choralarini boshlang. Kerakli dori vositalari yordamida kista bartaraf bo‘lib, asorati qolmaydi.
Davolangandan so‘ng turmush qurish, farzand ko‘rish masalasida ham hech qanday muammo bo‘lmaydi.