Dom atrofida garaj qurish mumkinmi?
@Yurist_Xizmati 4321-savol:
Savolim shundan iboratki men kup kavatli uyning 3 - kavatida turaman dom yangi kurilganligi sababli xali daraxtlari juda kichkina ekilganlari xam yozning issigidan chikmay kurib koladi ,ekalogiya yomonlashayotgani sababli Yana yakinda sasna ,gujum va tut kuchatlarini kurdik. Savolimga keladigan bulsam birinchi etajdagi xonadon egasi shu yerda moshinasi uchun naves kilmokchi bilishimcha Uni eni 3metr buyi esa 5 metrni egallaydi bunga uni ruxsati yuk boshka kushnilar Karshi shu uchun konuniy yul yurik bersangiz.
YURIST JAVOBI:
❌ Bu holatda o‘sha shaxs avtoturargoh qurishga haqli emas.
Qarang! Fuqarolik kodeksining 164-moddasida mulkdor o‘ziga qarashli mol-mulkka o‘z xohishi bilan va o‘z manfaatlarini ko‘zlab egalik qilish, undan foydalanish va uni tasarruf etish huquqiga egali belgilangan.
☝️E’tibor bergan bo‘lsangiz, qoidada mulkdor o‘ziga qarashli mulkdan foydalishi va tasarruf etishi mumkinligi belgilangan. Yer uchastkasida qurilish qilish uchun esa unga bo‘lgan huquqni tasdiqlovchi hujjat kerak.
O‘zbekiston Respublikasi Prezidentining 08.06.2021 yildagi PF-6243-son Farmoniga ko‘ra hokimning yer ajratish to‘g‘risidagi vakolati bekor qilingan.
Ushbu qarorga muvofiq 2021 yil 1 avgustdan boshlab:
• yer uchastkalari xususiy sektorga — mulk va ijara huquqi asosida ajratiladi.
☝️Mana shu qoidaga ko‘ra o‘sha shaxs yer uchastkasini yuqoridagi huquqlardan biri asosida olgan bo‘lsagina, unda Fuqarolik kodeksining 164-moddasiga ko‘ra bu yerda qurulish qilish huquqiga ega bo‘ladi. Bunda yer uchastkasiga nisbatan huquq bo‘lmasa yoki huquq bo‘lsa-da, qurulish qilish huquqini tasdiqlovchi ruxsatnoma bo‘lmasa, unda bu imorat o‘zboshimchalik bilan qurilgan hisoblanadi.
Fuqarolik kodeksining 212-moddasiga asosan qonunchilikda belgilangan tartibda qurilish maqsadlari uchun ajratilmagan yer uchastkalarida, shuningdek imorat qurish uchun zarur ruxsatnoma olmasdan yoki arxitektura va qurilish normalari hamda qoidalarini jiddiy buzgan holda qurilgan uy-joy, boshqa bino, inshoot yoki o‘zga ko‘chmas mulk o‘zboshimchalik bilan qurilgan imorat hisoblanadi.
Shuningdek, bu holatda o‘sha shaxsga Ma’muriy javobgarlik to‘g‘risidagi kodeks 60-moddasi ikkinchi qismi bilan ma’muriy javobgarlik chorasi qo‘llaniladi.
❗️Unga ko‘ra yer uchastkalarini o‘zboshimchalik bilan egallab olish, shu jumladan ushbu yer uchastkalariga nisbatan qonuniy huquqlari mavjud bo‘lmagan holda ulardan foydalanish:
fuqarolarga bazaviy hisoblash miqdorining 25 baravari,
mansabdor shaxslarga esa — 50 baravari miqdorida jarima solishga sabab bo‘ladi.