❗️OTA BOLAGA TO‘LAGAN ALIMЕNTINI VAQTI KЕLIB QAYTARIB OLISHI MUMKINMI ?
⚡️SAVOL; Turmush o‘rtog‘im xozirda bir nafar farzandimga aliment to‘laydi. U menga bola 18 yoshga to‘lganida uni alimentga berib to‘lagan pullarimni qaytarib olaman deyabdi.
❗️Shunday bo‘lishi mumkinmi ?
To‘lagan alimentini qaytarib ololmaydiyu lekin o‘zi uchun ta’minot talab qilishi mumkin. Ota-ona uchun ta’minot berish tartibi Oila kodeksida belgilab qo‘yilgan. Faqat qonunda bu aliment emas ta’minot deb yuritiladi. Kodeksda nafaqat ota, ona xam ularni moddiy tomonlama ixtiyoriy ta’minlamay kelayotgan voyaga yetgan bolalaridan sud tartibida ta’minot talab qilishi mumkin.
❗️Xamma ota-ona xam bu ta’minotni talab qilsa bola to‘layverishi kerakmi ?
Bu ta’minotni tayinlashda sudlar ota-onaning mehnatga layoqatsizligi va yordamga muhtojlik darajasidan kelib chiqib ish ko‘radi. Kim sudga ta’minot so‘rab ariza yozsa masala uning foydasiga xal bo‘ldi degani emas bu.
❗️Bunday ta’minot bolalarning nechtasidan undiriladi ?
Ota-ona uchun aliment miqdorini belgilashda sud voyaga yetgan, mehnatga layoqatli bolalarning barchasini hisobga olgan holda qaror qabul qiladi.
❗️Masalan voyaga yetgan bola o‘qishda bo‘lsa u ta’minotni to‘lashga imkoni bo‘lmaydiku ?
Shu sababli ta’minot miqdorini belgilashda sud bolalarning oilaviy va moddiy ahvolini hisobga olgan xolda ish ko‘radi.
❗️Bu ta’minotni eng kam miqdori qancha bo‘ladi ?
Voyaga yetgan, mehnatga layoqatli bolalardan undirilayotgan aliment miqdori qonun hujjatlarida belgilangan mehnatga haq to‘lash eng kam miqdori (1 050 000)ning 11,75 foizidan kam bo‘lmasligi kerak.
❗️Bu ta’minotni to‘lamasa xam bo‘ladimi ?
Agar sud ota-onaning o‘z vaqtida bolalari oldidagi ota-onalik majburiyatini bajarishdan bo‘yin tovlaganligini aniqlasa, bolalarni mehnatga layoqatsiz, yordamga muhtoj ota-onasiga xam ta’minot berish majburiyatidan ozod qilishi mumkin.