Xodimlarni xizmat safariga yuborish tartibi qanday?
Assalomu alaykum!!! Xodimlarni yuqori tashkilotlarga (bo‘ysunish tartibida) xizmat safariga yuborish tartibi qanday? Xizmat safari muddati davomiyligi qancha bo‘lishi mumkin? Xizmat safarida bo‘lgan muddatda xodimga kim ish xaqi to‘laydi?
YURIST JAVOBI:
Vazirlar Mahkamasining 2022 yil 2 avgustdagi 424-son qaroriga ilovada tasdiqlangan “O‘zbekiston Respublikasi hududida xizmat safarlari to‘g‘risida”gi nizom 2-bandiga ko‘ra tashkilot rahbarining buyrug‘iga (qarori, farmoyishiga) asosan xodimning o‘zining doimiy ish joyidan boshqa joyga xizmat topshirig‘ini bajarish uchun ma’lum bir muddatga yuborilishi xizmat safari hisoblanadi.
♂️ Qarang! nizom 8-bandiga asosan xodimning xizmat safari muddati tashkilot rahbari tomonidan belgilanadi.
❗️Bunda xizmat safari muddati yo‘ldagi vaqtni hisobga olmagan holda 30 kalendar kundan ko‘p bo‘lmasligi lozim.
☝️E’tibor bering! Nizomning 12-bandiga ko‘ra xizmat safariga yuborilgan xodimni xizmat safarida bo‘lgan muddatida va yo‘lda bo‘lgan muddatda ish joyi (lavozimi), mehnatga haq to‘lash shartlari, mehnatga haq to‘lashning ishbay tizimdagi xodimlar uchun o‘rtacha ish haqi saqlanib qoladi.
✅ Shunga ko‘ra sizdagi vaziyatda yuqoridagi tartibda xizmat safari tashkil etiladi.