AVTOMOBILNI BO‘YAMASDAN HAM YO‘NALISHSIZ TAKSICHILIK QILISH MUMKINMI?
JAVOB:
Ha, mumkin. Tushuntiramiz.
Yo‘nalishsiz taksilar sifatida ishlashga sariq rangli, Toshkent shahri uchun — «fil suyagi» rangidagi avtotransport vositalari qo‘yiladi.
Yo‘nalishsiz taksilarni talab qilinadigan rangga bo‘yash avtotransport egasi tomonidan, texnika xizmati ko‘rsatish stansiyalarida amalga oshiriladi.
Yo‘nalishsiz taksi rangini qonun hujjatlarida talab qilingan rangga muvofiq holga keltirish uchun ularni bo‘yamasdan, o‘zi yelimlanadigan materiallardan foydalanishga yo‘l qo‘yiladi.
Asos: Yo‘nalishsiz taksilar uchun yagona tanish belgilari va ularning ishlarini tashkil etishga qo‘yiladigan talablar to‘g‘risida”gi Nizom