Birinchi sinf o‘quvchisiga maktabni sevishiga yordam beradigan iboralar
Bir qarashda, bolaning "Nega men maktabga borishim kerak?" degan savoliga javob berishdan ko'ra oddiyroq narsa yo'q. Ammo ba'zida buning orqasida shunchaki qiziquvchanlik emas balki undan ham ko'proq narsa bor boʻlishi mumkin. Boshlang'ich maktab o'quvchisi tashvish va qo'rquvni boshdan kechiradi, u hali nimaga duch kelishini bilmaydi. Farzandingizga maktab hayotini yaxshi koʻrishiga va har kuni ertalab uning sinfiga kelishdan xursand bo'lishiga yordam beradigan iboralar:
☀ "Bu sening kattalikka qoʻygan birinchi qadaming"
Biz kattalardan farqli o'laroq, bolalar kattalikni his qilishni xohlashadi. Ular sizdan "maktab- hayotiy tajriba" ekanligini bilib olishlariga imkon bering. Maktab har doim ham yaxshi va yoqimli boʻlavermaydi, umidsizliklar ham bo'ladi, lekin hamma narsa "kattalarniki kabi" boʻladi.
☀ "Kelajakda kim bo'lishingni tushunasan"
Birinchi sinf o'quvchisiga bundan buyon u yangi narsalarni o'rganishini va o'z bilimlarini onasi va dadasi bilan baham ko'rishini tushuntiring. Eng muhimi esa, kelajakda qaysi kasb unga mos kelishini uning o'zi ham tushuna olishida.
☀ "Sen qiziqarli joylar bilan tanishasan"
Bolalar tabiatan izlanuvchan boʻlishadi. Birinchi sinf o'quvchisiga uni sinfdoshlari bilan qiziqarli ekskursiyalar, muzeylar va teatrlarga tashriflar kutayotganini bildirib qoʻying. U doimo tengdoshlari bilan o'z taassurotlarini bo'lishish imkoniyatiga ega bo'ladi.
☀ "Seni yangi do'stlar kutmoqda"
Kattalar biladiki, do'stlik bu oson emas, ko'z yoshlari, xafagarchiliklar, xavotirlanish va tashvishlar bo'ladi. Ammo buning hammasi keyinroq yuz beradi. Hozircha birinchi sinf o'quvchisiga o'yinlar va tanaffus paytida yangi do'stlar bilan muloqot qilishi haqida aytib bering.