Bolani ko'krak sutidan ajratish ona uchun ham, bola uchun ham juda yoqimsiz holat. Agar imkoniyat va xohishingiz bo'lsa, bola sutdan o'zi chiqib ketguncha emizganingiz yaxshi, lekin bu davr kamida 1-2 yilni tashkil qilishi kerak.
Agar ma'lum bir sabablarga ko'ra bolani ko'krakdan ajratishni ko'zlab qo'ygan bo'lsangiz, quyidagi maslahatlar sizga qo'l keladi.
☝️Ko'krakdan ajratish jarayonini asta-sekin uzoq vaqt davomida amalga oshiring.
Ko'p o'zbek oilalariga xos bo'lgan odat borki, emizishdan chiqarayoganda bolani buvisiga tashlab ona 3-4 kunga ketadi. Natijada bola ko'krakni bir necha kun ko'rmay, his qilmay emizishdan chiqib ketadi. ♀️Hech qachon bunday qilmang.
Birinchidan, buning natijasida ayol organizmi qattiq zarb yeydi. Bir necha oy davomida gormonlar faoliyati tufayli ko'krakda sut ajralib chiqadi. Sut talabga yarasha kerakli miqdorda ajraladi. Lekin birdaniga talab bo'lmay qolganda organizm sut ajralishini tezda to'xtata olmagani sababi, gormonal buzulish, ko'krakda og'riq, mastopatiya va boshqa salbiy oqibatlar yuzaga keladi. Buni oldini olish maqsadida ko'pchilik dori vositalaridan foydalanadi. Lekin sun'iy ravishda dorilar yordamida sut ajralishini to'xtatish ko'krak bezlari faoliyatiga zarar keltirish ehtimoli katta.
Ikkinchidan, bola ko'krakdan ajralayotganidan qiynalishi o'zi bir katta stress bo'lsa, unga qo'shilib yana onasidan ham bir necha kunga mahrum bo'ladi. Buvilarining qo'lida u yig'lamay, o'zini yaxshi tutishi aslida unga qattiq psixologik zarba keltirilganidan dalolat beradi. Keyinchalik u kechalari birdan uyg'onib yig'lashlari, kunduzi o'zini injiq tutishi, asabiy bo'lib qolganini ko'rib hayron bo'lmang.
✅Eng yaxshisi bolani ko'krakdan asta-sekinlik bilan ajrating. O'sha kunlari ko'krak o'rniga bola sizning mehringizga to'ysin. Boshlanishiga kunduzgi emizishlar sonini 1 martaga kamaytiring, keyinchalik kunda 1 marta faqat emizishga o'ting. Bu paytda bola qiynamaslik uchun o'sha payt ko'chaga aylanishga chiqing, bola yaxshi ko'radigan yeguliklardan tayyorlab yediring, bolani qiziqtirib o'yating. ☝️Asosiysi bola zerikib qolib ko'krakni eslab qolmasin. Borib-borib faqat kechki uyqudagi emizishlar qoladi. Har bir etap orasida 1-2 hafta muddat bo'lsin. Agar bola qattiq qiynalayotganini ko'rsangiz, ajratish jarayonini 1-2 haftaga suring.
Shunda ayol organizmida ham sut ajralish sur'ati asta-sekin tabiiy ravishda kamayib boradi. Sut yig'ilib qolganda esa uni keyingi emizish vaqti hali uzoq bo'lsa, sog'ib tashlash mumkin bo'ladi