MUSLIMA
Dilida zarracha g'ubori yo'qdir,
Yerdagi farishta iymoni ko'pdir.
Biroz jajji ular qaysardir sho'xdir,
Qur'onga oshiq muslima qizlar.
Kecha-yu kunduzi halovati bor,
Oyatlar o'qiydi takror va takror.
Axir bu dunyoda sizlar betakror,
Qur'onga oshiq muslima qizlar.
Fotima onamdek vafoli yorlar,
Insonni diliga bermas ozorlar.
Ruqayya bintudek bo'lib daholar,
Rasulim qizlari muslima qizlar.
Yerga qaratmaydi ota yuzini,
Dars bilib yashaydi ona so'zini.
Nafsidan tiygandir ular o'zini,
Rasulim qizlari muslima qizlar.
G'iybat-u ig'voda yuzini burgan,
Alamni unutib tabassum qilgan.
Yuz o'n to'rt surani yodida bilgan,
Rasulim qizlari muslima qizlar.