ОНАЛАР, БОЛАСИГА. АЙТГАНДА, АЛЛА!
Дунёни зир тебратар, берса гар садо,
Куйни садосидан меҳр, бўларкан пайдо?!
Неча минглаб қалбларни, айлагай шайдо,
Оналар, боласига, айтганда, алла!
Бешик қучиб ўтказар, ҳар бир онини,
Болам катта бўлсин деб, тутар жонини.
Тун қаро кечаларда, бериб борини,
Оналар, боласига, айтганда, алла!
Дилдан жўшиб айтади, айласа ҳаво,
Нафис туйғуларидан, яралар наво!
Имконин топиб дилга беради даво,
Оналар, боласига, айтганда, алла!
Зим - зиё тунми ё кун, узмайди кўзин,
Қош чимириб, аччиқ сўз, айтмайди сўзин.
Бизни ўйлаб, ҳаттоки, ўйламай ўзин,
Оналар, боласига, айтаркан, алла!
Қисматига битикми, айтишар алла?!
Вужудингиз таъбрига, бўлганча далда.
Тим қаро тунда, ҳамма, ухлаган палла,
Оналар, боласига, айтаркан, алла!
️️️️️