АЛЛА АЙТИНГ
Бугун оғир елкамдаги тоғ,
Дилда ҳасрат, юрагимда доғ,
Тирашвишларни унутай бир он,
Алла айтиб беринг онажон.
Тўйдим дунё ёлғонларидан,
Кечдим бойлик ,тилло заридан,
Ғамлар ўтсин мендан наридан,
Алла айтиб беринг онажон.
Дардларимни аритолмас май
Дилга ботмас карна -ю,сурнай
Тиззангизга бошимни қўяй,
Алла айтиб беринг онажон.
Хаёт менга бўлди тўр, қафас,
Ғийбатимни қилар бир нокас,
Ором олай аҳир бир нафас,
Алла айтиб беринг онажон.
Йиғлаяпман ,кўзларимда ёш,
Дилда қутқу, қалбим қонталош,
Бешигимга қўяйин бир бош,
Алла айтиб беринг онажон.
Яшамокдан чарчадим она,
Тўлди юрак, тўлди паймона,
Гўдак бўлгим келди бир, яна
Алла айтиб беринг онажон.