Question

Mehringizga zor bo'ldim

Derdim hali ,,erkaman, yoshman"

Davlatim ko'p, omadga boshman

Dada, qarang men bag'ritoshman

Mehringizga zor bo'ldim bugun !

Quchib meni dardim oldingiz ,

Holim so'rab chunon toldingiz ,

Onam, qachon qarib qoldingiz ?

Mehringizga zor bo'ldim bugun !

Oshno bo'ldim ulfat, do'stimga

Yaraydi deb kam-u ko'stimga,

Tog' quladi so'ngra ustimga ,

Mehringizga zor bo'ldim bugun!

Ne xohlasam ,,oldi rusumda" ,

Paydo bo'lar istagim zumda ,

Emasmidim yoki o'zimda ?

Mehringizga zor bo'ldim bugun!

So'ramadim hech ko'nglingizni

Dada, tergang men o'g'lingizni

Ko'zga suray ehh, qo'lingizni ,

Mehringizga zor bo'ldim bugun!

Ona, kechirsangiz ham yetar ,

Xasta ko'nglim yorishib ketar ,

Mayli dunyo mensiz ham o'tar,

Mehringizga zor bo'ldim bugun!

Sarf bo'ladi kunda topganim ,

Nuqul ulov har yon chopganim

Qoldi faqat vijdon sotganim ,

Mehringizga zor bo'ldim bugun!