❗️АВТОМАШИНАСИ БОРЛАРГА БОЛА ПУЛИ БЕРИЛМАЙДИМИ ?
⚡️САВОЛ;
Турмуш ўртоғимнинг номида 2010 йилда ишлаб чиқарилган нексия русумли машинамиз бор. Мен маҳаллага 3 нафар фарзандимга бола пули олиш учун мурожаат қилсам, Сизларда машина бор, шунинг учун Сизларга бола пули чиқмайди деди. Шу тўғрими ?
⚡️ЖАВОБ;
Ҳукуматнинг 654-сон қарори билан тасдиқланган низомга кўра, ариза берувчи ёки унинг оила аъзоларида қонунчилик ҳужжатларида белгиланган тартибда ўз номига расмийлаштирилган ёки бош ишончномага асосан, ишлаб чиқарилган муддати 7 йилдан ошмаган, техник ҳолати соз бўлган енгил автотранспорт воситаси мавжудлиги, болалар нафақаси учун қилинган мурожаат рад қилинишига олиб келиши кўрсатилган. Яъни, Сизлардаги автомашина ўтган 7 йил ичида ишлаб чиқарилган бўлганида маҳалладаги ҳодимнинг айтган гапи тўғри бўлар эди. Лекин, Сиз автомашина 2010 йилда чиқарилганини айтяпсиз.
✏️ Демак, Сизлардаги автомашина ишлаб чиқарилганига 7 йилдан кўп бўлган. Бу ҳолатда маҳалла ҳодимининг гаплари асоссиз. Мана энди Сизни қўлингизда асос бор. Шу ёзганларимизни уларга кўрсатиб ҳаққингизни талаб қилишингиз мумкин