«Google Allo» ilovasi sizning selfingizni shaxsiy stikerga aylantiradi

Question

Sizning avtoportretingiz bir nechta klik yordamida betakror stikerga aylanadi.

12 May 2017

Stikerlar — bu, messenjerlar va ijtimoiy tarmoqlarda foydalaniladigan kichik tasvirlardir. «Minglab so‘zlar o‘rniga stiker», bitta stiker bir necha qator matndan ko‘proq ma`noni yetkazishi mumkin. Har kuni hayotning turli holatlariga mos keladigan yangi stiker to‘plamlari paydo bo‘ladi.



«Google» ning dasturchilari uzoqroqqa borishni ma`qul ko‘rishdi va foydalanuvchilarga o‘z selfilari asosida stikerlar yaratishni taklif etishdi.



Yangilangan Google Allo messenjerida bu ajoyib funksiya paydo bo‘ldi. Buning uchun ilova orqali o‘zingizni frontal kameraga suratga olishingiz kifoya. Asosiysi o‘z tasviringizni aylana ko‘zoynak shaklidagi marker bilan moslashtirish kerak bo‘ladi.



Ilova suratdagi yuzning o‘ziga xos tomonlarini o‘qiydi va kulguli karikatura ko‘rinishidagi variantlarni taklif etadi. Uning asosida sizga tayyor stikerlar to‘plami taklif etiladi va siz ulardan «Google Allo» messenjerida foydalanishingiz mumkin bo'ladi. Ishlab chiqaruvchilarning so'zlariga ko'ra, dastur 563 kvadrillion yuzni generatsiya qilish imkoniyatiga ega. ​



Agar taklif qilingan variantlar sizning fikringizcha mos kelmasa, stikerni mustaqil ravishda yaratishingiz mumkin. Buning uchun maxsus redaktorda o'z tasviringizni istalgan chizig'ini — soch rangini, soqol rangini, ko'z kesimini o'zgartirishingiz mumkin.

Bu ajoyib funksiyaga ega «Google Allo» messenjerini allaqachon Google Play dan yuklab olish mumkin, iOS uchun yangilangan talqin «yaqinda» chiqishi ma`lum qilingan.

Manba : Pixland.uz

Comments

Google Play
https://play.google.com/store/apps/details?id=com.google.android.apps.fireball&hl=ru

iOS
https://itunes.apple.com/us/app/google-allo-smart-messaging/id1096801294?mt=8

---

shu URL orqali yuklab olishingiz mumkin