Alex Tex tayyorlagan «Million Dollar Homepage» (Million Dollarli Sahifa) sayti unga talabalik davridayoq million dollar keltirgan edi. G’oya juda yaxshi: reklama beruvchilar saytning bir piksel joyida reklama joylashtirishi uchun bir dollar to’lashadi. Saytda jami bir millionta piksel joy borligi sababli sayt egasi reklamalar orqali bir million dollar ishlab olgan.
Aleksning g’oyasini takrorlab sayti orqali million dollar ishlab olmoqchi bo’lganlar juda ko’p bo’ldi, ammo ularning deyarli hech qaysi biri Aleks muvaffaqiyatini takrorlay olmadi. Lekin sayti orqali pul topishni maqsad qilgan kishilardan biri Aleksning g’oyasidan yangi talqinda foydalanishga qaror qildi. «The Guy Who Fucked The Million Dollar Homepage» («Million Dollarli Sahifani urib qo’ygan 
Yigit») deb ataladigan sayt ochgan Bernd Zikulnig ismli uchuvchi yigit o’z sayti orqali pul ishlashga harakat qilib ko’rdi. Ammo saytining nomidagi «fucked» ( ) so’zining haqoratli bo’lganligi sababli Google uning saytini ta’qiqlab qo’ydi. Shunda ham u taslim bo’lmasdan, saytining nomini «The Guy Who Topped The Million Dollar Homepage» («Million Dollarli Sahifadan o’zib ketgan Yigit») qilib o’zgartirdi.
Bernd saytida hammasi butunlay boshqacha: uning saytida faqat bitta piksel bor va bu yagona pikseldagi joyda reklama joylashtirish 1 000 000 dollar turadi! «Kim deyarli ko’rinmaydigan bir piksel joyga reklama joylashtirish uchun bir million dollar to’laydi?», deysizmi? Balki rostdan ham hech kim reklama joylamas, balki Bernd sayti hech qachon egasiga pul keltira olmas, ammo saytning egasi bunday deydi: «Alex Tewning g’oyasi juda yaxshi edi. Bir millionta pikselning har biriga bir dollardan reklama joylashtirish fikri juda qiziqarli. Ammo bu fikr endi eskirdi. Alex g’oyasi internet tarixida yagona va takrorlanmas bo’ldi. Endi men ham huddi shunday internet tarixida qoladigan sayt yaratdim. Mening saytimda faqatgina bitta piksel bor, uning narxi bir million dollar. Balki men hech qachon bu piksel joyni sota olmasman, balki hech kim hech qachon menga bir million dollar to’lamas. Ammo mening saytim allaqachon internet tarixidagi «Eng qimmat reklama joyiga ega bo’lgan sayt» sifatida abadiy qoldi. Saytim menga foyda keltiradimi, yo’qmi… Ko’ramiz».
Ha, albatta. Ko’ramiz. Balki foyda keltirib qolar.
Uning g’aroyib, bir pikselli sahifasini ko’rish uchun mana bu yerga bosing: http://www.theguywhotoppedthemilliondollarhomepage.com/index.html
Pikselni ko’rmayapsizmi? 
U juda kichik bo’lganligi sababli to’rt tomonidan ko’rsatkich bilan piksel joyi ko’rsatilgan. Unda reklama bor
Sayt muallifi o’zini Alex Tex bilan taqqoslagan sahifani ko’rish uchun mana bu yerga: http://www.theguywhotoppedthemilliondollarhomepage.com/about.html
Saytning boshqa sahifalari muallif haqida ma’lumotni va uning sevimli qushi bilan tushgan rasmini topishingiz mumkin.
Millionta pikselning har bittasi bir dollardanmi, yoki bitta piksel bir million dollargami… Buning ahamiyati yo’q. Muhimi – internet orqali pul ishlab topish mumkin! Hatto eng axmoqona bo’lib tuyulgan g’oyali sayt bilan ham!
