Kelinglar o'zimizga to'g'rirog'i o'zimizning jonajan do'stimiz, shu bilan birga ashaddiy dushmanimiz bo'lmish tilimizga bir nazar tashlasak. Biz hammamiz so'kish, haqorat qilish , qopol va nojoyiz so'zlarga o'rganib qolganmiz. Kimdir bu so'zlarni siqilganda, kimdirga esa refleks, kimdir bekorchilikdan, kimdir vaziyat taqozosidan, kimdir og'ziga kelib qolganidan, yana kimdirni esa umuman so'z boyligiga aylanib ulgurgan, yana kimdir do'stlarini oldida hazillashib kuldirish uchun ishlatadi. Hullas qanday holat bo'lishidan qat'iy nazar buni oqlab bo'lmaydi.
To'g'ri bu so'zlarni o'zim ham tez-tez ishlatib turaman. To'g'risi ishlatish ham o'zimga yoqar edi. Lekin bir rivoyatni eshitmasimdan oldin.
Kelinglar u bu deb sizlarni ham o'zimni ham boshimizni og'ritmayda eshitganimni sizlar bilan o'rtoqlashay.
Balki bu hikoyani avval ham eshitkandirsizlar. Yakuniy hulosani hamma o'zi uchun o'zi chiqarsin.
Bir mo'ysafid otaxon yo'lda ketayotib, qoqilib yiqilibdilar va shikastlanib oyoqlarini qayirib olibdilar keyin hech qanday qo'pol no joyiz so'z aytmay aksincha "Xudoga shukur" deb yo'llarida davom etibdilar, yana bir oz yurganlaridan so'ng yana qoqilib tushib bu safar peshonalarini yorib olibdilar.
Shunda ham so'kish yodda tursin yana "Xudoga shukur" deb yo'llarida davom etibdilar. Hech qancha yurmaslaridan yana yiqilib qo'llarini sindirib olibdilar. O'rnilaridan turib "Yaratkanga shukur" deb yo'llarida davam etmoqchi bo'lib, 2 qadam tashlashlari bilan bir bolakay kelib qo'ltiqlab olibdi.
Shunda otaxon:
-Eee o'g'lim rahmat senga, ilohim umringdan baraka top bolam, qarib qoldim to'g'ri yo'lda ham qoqilib yuribmana debdilar.
Shunda yordam berayotgan bola shunday debdi:
-Eee inson men odam qiyofasidagi "Shayton" man
menga rahmat dema.
Sen qarilikdan emas, balki men chalganimdan yiqilding. Seni ketayotganingni ko'rib qani shu cholni bir chalayinchi keyin uni achchig'i chiqib so'ksa-yu gunohiga gunoh qoshilib, jahannamda tilini kuydirsin degan edim. Ammo siz buning o'rniga "Xudoga shukur" dedingiz. Shunda parvardigor sizni hamma gunohlaringizdan voz kechib joyingizni jannat qilib qo'ydi.
So'ngra yana bir bor chaldim. Endi bu safar so'kib gunoh ortdirarsiz dedim. Siz yana shukrona qildingiz. Bu safar esa Olloh sizni yetti avlod-ajdodingizni joylarini jannat etdi.
3-marotaba shunday jaxlim chiqib chaldimkiy, siz yiqilib qo'lingizni sindirdingiz.
Yana "Xudoga shukur" deganingizda sizning do'stlaringiz, yoru-birodarlaringiz, qo'ni-qo'shinlaringiz bormi hammalariga jannatdan joy band qilindi.
Agar mobodo o'zingiz yiqilib tushib ham, xudo ko'rsatmasin yana bir bor shukrona aytib yuborsangiz bormi. Tangri yer yuzidagi jamiyki insonlarni joylarini jannatdan qilsa, do'zohu-jaxannamga xechkim tushmasdi. Shuning uchun shaxsan o'zim qo'ltiqlashib, yurishingizga ko'maklashyabman debdi.
Hulosani endi sizlardan eshitsak.
Bundan jiddiy xulosa chiqarish uchun saytga kirganimda bu blogizni qayta-qayta o'qip turishka harakat qilaman...!