#Savol_bering_javob_beramiz
NOGIRONLIGI BO‘LGAN SHAXSLARGA VAQTINCHA MЕHNATGA QOBILYATSIZLIK NAFAQASI 100% TO‘LANADIMI?
Menda 3-gruppa nogironlik mavjud va mehnat munosabatlarida bo‘lganman (yoki hozirda ishlab kelmoqdaman). Sog‘lig‘im bilan bog‘liq vaziyat sababli vaqtincha mehnatga layoqatsizlikka duch keldim va tibbiy “kasallik varaqasi” berildi. 3-gruppa nogironligiga ega bo‘lgan xodimga vaqtincha mehnatga layoqatsizlik nafaqasi oylik ish haqining 80% miqdorida to‘lanadimi yoki 100% miqdorida?
Qonunchilikka ko‘ra, vaqtincha mehnatga layoqatsizlik nafaqasi ish haqining 100% miqdorida to‘lanadi, faqatgina quyidagi toifalarga:
Ikkinchi jahon urushi qatnashchilari va ularga tenglashtirilgan shaxslar;
Qaramog‘ida 16 yoshgacha (yoki o‘quvchi bo‘lsa 18 yoshgacha) bo‘lgan 3 nafar va undan ortiq farzandi bo‘lgan shaxslar;
Chernobil fojeasi oqibatlarini bartaraf etishda ishtirok etganlar va radiatsiya oqibatida jiddiy kasalliklarga chalinganlar;
Yadro va radiatsiya obyektlarida xizmat qilib, keyinchalik nogiron bo‘lgan pensiya yoshidagi shaxslar;
Ish jarayonida shikast olib, kasb kasalligiga duch kelgan xodimlar.
Bundan tashqari, sil, onkologiya, SPID, lepra, jinsiy yo‘l bilan yuqadigan xavfli kasalliklar va ruhiy kasalliklar kabi ijtimoiy ahamiyatga ega kasalliklar bo‘yicha ro‘yxatda turgan xodimlarga nafaqa ish haqining 100% miqdorida to‘lanishi mumkin, lekin bir shart bilan — agar ularning umumiy ish staji 8 yildan kam bo‘lmasa.
Nogironlikning o‘zi nafaqani to‘liq (100%) miqdorda olish uchun yetarli asos hisoblanmaydi. Agar nogironligi bor xodim yuqoridagi toifalardan birortasiga kirmasa, u holda umumi ish stajiga qarab, nafaqa ish haqining 60% yoki 80% miqdorida to‘lanadi.
Nafaqa miqdori nogironlik darajasiga emas, balki muayyan ijtimoiy yoki sog‘liqqa oid mezonlarga qarab belgilanadi. Shu sababli, har bir holat alohida o‘rganilishi kerak.
Savolingizni: @yuristgamurojaat ga qoldiring
@yuristlar_maslahati