Question

Menejerlik sertifikati testidan o‘tolmagan direktorlarga qayta topshirish imkoniyati bormi?

@Yurist_Xizmati 5469-savol:

Assalomu alaykum. Men umumiy o‘rta ta’lim maktabida direktor bo‘lib ishlayman. 2025 yil dekabr oyida menejerlik kursi bo‘yicha test topshirdim. Test topshirish jarayonida men ishlayotgan kompyuterda bir necha maratoba nosozliklar yuz berdi. Natijada men o‘tish ballini to‘play olmadi. Menga qayta topshirishim uchun qayta imkon beriladimi. Bu ikkinchi maratoba topshirishim edi. Imkon berilsa kimga murojat qilishim kerak.

YURIST JAVOBI:

Vazirlar Mahkamasining 2023-yil 25-dekabrdagi 681-son qaroriga ilovada tasdiqlangan Davlat umumiy o‘rta ta’lim muassasalari direktori lavozimiga nomzodlarni menejerlik o‘quv kurslarida o‘qitish va ularga menejerlik sertifikatini berish tartibi to‘g‘risidagi Nizom 38-bandiga muvofiq belgilangan ballni to‘play olmagan nomzodlar bir yil ichida navbatdagi bitta yakuniy sinovda ishtirok etish huquqiga ega.
✅Birinchi marta yakuniy sinovdan o‘ta olmagan direktorlar ikki oy ichida bir marta yakuniy sinovda ishtirok etishi mumkin. Ushbu muddat ichida yakuniy sinovda ishtirok etmagan yoki ikkinchi yakuniy sinovda ham belgilangan ballni to‘play olmagan direktorlar belgilangan tartibda lavozimidan ozod etiladi.

❗️Demak, sizdagi holatda ham agar birinchi marta yakuniy imtihondan o‘ta olmagan bo‘lsangiz, unda siz yana bir marta (ikkinchi marta) imtihonda qatnashishingiz mumkin.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati